Lugo, 15 de maio de 2018. O Presidente da Deputación, Darío Campos, recibiu este martes na Praza de San Marcos aos 154 lucenses actualmente no paro que retoman a súa traxectoria laboral noutras empresas e colectivos sociais da provincia grazas ao Ben Empregado 4, máis social. Fíxoo na xornada na que traballadores e empresas se coñeceron antes de formalizar durante os vindeiros 5 días os seus contratos. O 10% dos mesmos serán indefinidos e o 90% a xornada completa segundo o compromiso asumido polas entidades participantes. No acto tamén participaron a Deputada de Promoción Económica e Social, Sonsoles López Izquierdo, e o Deputado de Relacións Institucionais, Álvaro Santos Ramos.
Campos Conde destacou que “na primeira e segunda edición do Ben Empregado conseguimos unha inserción laboral do 35%, é dicir, que 171 persoas continúan a día de hoxe nos seus postos de traballo cando xa rematou o período de 1 ano subvencionable por parte da Deputación. Agardamos que este alto nivel de inserción laboral, que non acadan os plans de calquera outra institución, siga a medrar. Para iso, é imprescindible a implicación, non só deste Goberno da Deputación coa que contades, senón de empresarios e traballadores. Xuntos podemos demostrar que é posible facer fronte ao paro con políticas que verdadeiramente xeren empregos dignos e de calidade. Xuntos podemos demostrar que o emprego non ten por que ser precario, por poucas horas, sen conciliación, con salarios claramente insuficiente para vivir…que é o que, por desgraza, vemos que son os que as administracións coas competencias directas, Xunta de Galicia e Goberno Central, están a incentivar. Co Ben Empregado demostramos que outras políticas de emprego son posibles”. Compre lembrar que, dos case 20.000 contratos que se asinaron no primeiro trimestre de 2018 na provincia, o 87,3% son temporais, algúns só de 1 día e ata de horas, situación a que tenta facerlle fronte, na medida das súas posibilidades, a Deputación aínda que carece de competencias en materia de emprego.
“Nós cremos no talento, a intelixencia e a capacidade da nosa xente e por iso investimos 2,2 millóns de euros nesta última edición deste plan de emprego. Pensamos que non hai investimento mellor que o que axuda ás persoas a ter un traballo digno e ás pemes, autónomos e asociacións lucenses a aumentar a súa actividade, o que redunda en beneficio de toda a provincia”, destacou Campos Conde.
A testemuña dun participante, que simboliza a esencia do Ben Empregado
Na primeira toma de contacto entre os novos traballadores e as súas empresas tamén interviu Xosé Lois Lamazares, o coordinador da empresa chantadina Lugar da Veiga, unha empresa de éxito que ten participado en anteriores edicións do Ben Empregado e que simboliza os valores polos que aposta a Deputación. Lugar da Veiga contratou 3 traballadores, que continúan na empresa, a través do Ben Empregado. Esta empresa incluída polo xornal “Financial Times” nunha lista das mil empresas que máis medran en Europa é un exemplo dos valores e do compromiso social que defende a Deputación e que son a esencia do Ben Empregado.
“A nosa valoración deste programa é moi positiva, xa que coas tres persoas que se incorporaron á empresa puidemos crear estrutura. Nós non solicitamos subvención para contratar postos de traballo propios da empresa, penso que os postos básicos ten que defendelos o propio proxecto, senón que aproveitamos a axuda para a creación de estrutura, algo que é complicado por falta de recursos pero pódese facer coa axuda de este programa”, explicou Xosé Lois Lamazares, que tamén detallou o funcionamento da sociedade, que se caracteriza polo elevado grao de participación e compromiso dos socios e traballadores.
“Levamos desde 2005 e hoxe somos un proxecto consolidado vinculado á economía social, anímovos a incorporar a filosofía da economía social ás vosas empresas porque vai ser rendible”, rematou o coordinador de Lugar da Veiga.
Oferta de 27 novos postos de traballo
A Deputada de Promoción Económica e Social, Sonsoles López Izquierdo, anunciou que hoxe mesmo publicouse a relación de 27 novos postos que quedaron vacantes, de maneira que calquera desempregado lucense poderá inscribirse para optar a estas prazas na Axencia de Colocación da Deputación. As persoas interesadas poden apuntarse presencialmente na propia Axencia ou ben telemáticamente a través da páxina web http://benempregado.deputacionlugo.org/index.php.
López Izquierdo tamén instou aos empresarios participantes no Ben Empregado 4 a fomentar a motivación dos seus traballadores e a asumir os principios de corresponsabilidade. Ademais, a Deputada de Promoción Económica e Social lembrou que “dende a Deputación defendemos o dereito dos traballadores a unhas condicións laborais e un salario dignos, polo que fomos unha administración pioneira no establecemento de cláusulas sociais nos contratos coas empresas que nos prestan servizos”. E tamén destacou que “consideramos fundamental detectar as necesidades do posto de traballo e ofertar un perfil acorde con él. Neste sentido, na Deputación podemos axudar a través da Axencia de Colocación, os nosos técnicos poden axudar a definir o perfil e buscar o candidato máis adecuado”
Axudas de ata 22.000 euros
O Ben Empregado 4, máis social inclúe axudas dun máximo de 22.000 euros, dirixidas a empresas e colectivos de toda a provincia, para a contratación, durante 1 ano, de novos traballadores cos que, ademais de facer fronte á taxa de paro, contribúese á actividade de autónomos, PEMES e asociacións lucenses. O organismo provincial asume ao 100% os custes laborais de 19 traballadores con capacidades diferentes ou en risco de exclusión laboral, ao 90% a contratación de 39 novos empregados en asociacións da provincia e o 50% de123 traballadores en xeral.
Dos 154 novos postos de traballo, 79 son en empresas e colectivos sen ánimo de lucro de concellos da Comarca de Lugo, 24 da Comarca da Terra Chá, 18 en Concellos de Lemos e Chantada, 11 son na Mariña, 10 na da Montaña, 9 na de Sarria e 3 na da Ulloa.
Comarca de Lugo
A distribución dos 79 novos empregos que o Goberno da Deputación xera en 4 Concellos da Comarca de Lugo son os seguintes:
– Son 45 empresas as que contratarán a 45 desempregados lucenses en xeral, que recibirán polo tanto o 50% da axuda económica da Deputación para os custos laborais dos novos traballadores: en Guntín, 1 aprendiz mecánico; en Lugo, 1 mozo especializado, , 1 auxiliar administrativo, 1 dependente carnicería, 1 axente comercial de seguros, 1 dependente tenda produtos ecolóxicos, 1 enxeñeiro técnico agrícola, 1 esteticista, 1 auxiliar administrativo, 1 xefe de 1ª administrativo contable, 1 axente de viaxe e administración, 1 mecánico oficial terceira, 1 educador, 1 peón panadería, 1 peón de xardinaría, 1 axudante estética, 1 auxiliar administrativo, 1 aparellador, 1 fontaneiro, 1 oficial 1ª albanel, 1 axudante de cociña, 1 enxeñeiro técnico, 1 auxiliar de gardería, 1 licenciado en dereito, 1 modista, 1 deseñador gráfico, 1 auxiliar administrativo, 1 albanel oficial de segunda, 1 técnico veterinario, 1 axudante dependente, 1 auxiliar administrativo, 1 dinamizador de alumnado, 1 peón mantemento, 1 axudante de cociña, 1 psicólogo xeral sanitario, 1 responsable de atención ao cliente, 1 repartidor, 1 auxiliar de farmacia, 3 camareiros, 1 mozo de almacén e 1 axudante de cociña; no Corgo, 1 técnico especialista delineación industrial, e 1 peón serradoiro; en Outeiro de Rei, 1 repartidor.
– Son 7 as empresas que contratarán a 7 desempregados lucenses con capacidades diferentes ou de colectivos máis vulnerables, que recibirán polo tanto o 100% da axuda económica da Deputación para os custos laborais dos novos traballadores: en Lugo, 1 auxiliar administrativo, 1 camareiro, 1 operario lavandaría, 1 axente comercial, 1 axente comercial, 1 limpador, 1 caixeiro comercio.
– Son 27 os colectivos sen ánimo de lucro que contratarán a 27 desempregados lucenses e recibirán o 90% da axuda económica da Deputación para os custos laborais dos novos traballadores: en Lugo, 1 monitor/a deportivo xadrez; 1 monitor deportivo de xadrez, 1 enxeñeiro técnico agrícola, 1 licenciado – grao en ADE, 1 enxeñeiro/a técnico obras públicas, 2 educadores sociais, 1 axente comercial e administrativo, 1 licenciado en ciencias químicas, 1 licenciado/a en dereito, 1 telefonista – recepcionista, 2 auxiliares administrativos, 1 técnico superior en administración e finanzas, 1 técnico superior artes aplicadas e deseño, 1 psicólogo, 1 licenciado en bioloxía, 1 administrativo, 1 dinamizador comunitario, 1 técnico de emprendemento, 1 administrativo, 1 educador, 1 técnico informático, 1 administrativo dinamizador e monitor, 1 traballador social apoio familias, 1 animador sociocultural, 1 técnico de atención a terceira idade.
Terra Chá
A distribución dos 24 novos empregos que o Goberno da Deputación xera en 5 Concellos da Comarca da Terra Chá son os seguintes:
– Son 18 empresas as que contratarán a 16 desempregos lucenses en xeral, que recibirán polo tanto o 50% da axuda económica da Deputación para os custos laborais dos novos traballadores: en Abadín, 1 auxiliar de produción en viveiro de plantas; en Castro de Rei, 1 mecánico-recambista, 1 axudante de cociña; en Cospeito, 1 palista, 1 dependente/a, 1 albanel; en Meira, 1 repartidor, 1 oficial de servizos; en Vilalba, 1 dependente, 1 axudante camareiro, 1 dependente/a, 1 axudante de camareiro/a, 1 auxiliar administrativo/a, 1 pintor, 1 camareiro/a, 1 peón fabricación de queixos.
– Son 4 empresas as que contratarán a 4 desempregados lucenses con capacidades diferentes ou de colectivos máis vulnerables, que recibirán polo tanto o 100% da axuda económica da Deputación para os custos laborais dos novos traballadores: en Castro de Rei, 1 dependente e 1 peón limpeza; en Vilalba, 1 administrativo e 1 camareiro/a.
– Son 2 os colectivos sen ánimo de lucro que contratarán a 2 desempregados lucenses e recibirán o 90% da axuda económica da Deputación para os custos laborais dos novos traballadores: en Vilalba, 1 oficial administrativo e 1 xestor/a deportivo taekwondo.
Lemos e Chantada
A distribución dos 18 novos empregos que o Goberno da Deputación xera en 4 Concellos das Comarcas de Lemos e Chantada son os seguintes:
– Son 12 empresas as que contratarán a 12 desempregados lucenses en xeral, que recibirán polo tanto o 50% da axuda económica da Deputación para os custos laborais dos novos traballadores: en Chantada, 1 montador de mobles, 1 dependente, 1 axudante cociña, 1 delineante, 1 condutor de maquinaria, 1 dependente pastelería; en Monforte de Lemos, 1 administrativo, 1 axudante de camareiro; no Saviñao, 1 monitor de tempo libre, 1 carpinteiro, 1 repartidor de panadería; en Taboada, 1 soldador.
– Son 2 empresas as que contratarán a 2 desempregados lucenses con capacidades diferentes ou de colectivos máis vulnerables, que recibirán polo tanto o 100% da axuda económica da Deputación para os custos laborais dos novos traballadores: en Monforte de Lemos, 1 axudante de cociña, 1 técnico/a comercial.
– E 4 colectivos sen ánimo de lucro contratarán a 4 desempregados lucenses e recibirán o 90% da axuda económica da Deputación para os custos laborais dos novos traballadores: en Chantada, 1 creativo/a audiovisual en animación e motion graphics, 1 xestor/a en comunicación e 1 enxeñeiro/a técnico/a agrícola; en Monforte de Lemos, 1 técnico/a auditor/a.
A Mariña
A distribución dos 11 novos empregos que o Goberno da Deputación xera en 7 Concellos da Mariña son os seguintes:
– Son 9 empresas as que contratarán a 9 desempregados lucenses en xeral, que recibirán polo tanto o 50% da axuda económica da Deputación para os custos laborais dos novos traballadores: en Barreiros, 1 auxiliar administrativo/a e comercial; en Foz, 1 recepcionista-limpador; en Mondoñedo, 1 oficial 1ª albanel; en Ribadeo, 1 técnico de xestión medioambiental, 1 oficial 1ª electricista, 1 dependente comercio papelería/libraría, 1 comercial consultor enerxético; en Viveiro, 1 carpinteiro/a – ebanista; en Xove, 1 comercial.
– E son 2 os colectivos sen ánimo de lucro os que contratarán a 2 desempregados lucenses e recibirán o 90% da axuda económica da Deputación para os custos laborais dos novos traballadores: en Cervo, 1 traballador social; e en Viveiro, 1 auxiliar administrativo.
A Montaña
A distribución dos 10 novos empregos que o Goberno da Deputación xera en 6 Concellos da Comarca da Montaña son os seguintes:
– Son 7 empresas as que contratarán a 7 desempregos lucenses en xeral, que recibirán polo tanto o 50% da axuda económica da Deputación para os custos laborais dos novos traballadores: Na Fonsagrada, 1 axudante camareiro, 1 animador/a sociocultural, 1 axudante cociña; en Baralla, 1 peón forestal – oficial de segunda; en Becerreá, 1camareiro; en Cervantes, 1 condutor desbrozador; e en Negueira de Muñiz, 1 axudante de cociña.
– E 1 empresa contratará a 1 desempregado lucense con capacidades diferentes ou de colectivos máis vulnerables, que recibirán polo tanto o 100% da axuda económica da Deputación para os custos laborais dos novos traballadores: na Fonsagrada, 1 peón de construción.
– Son 2 colectivos sen ánimo de lucro que contratarán desempregos lucenses e recibirán o 90% da axuda económica da Deputación para os custos laborais dos novos traballadores: en Cervantes, 1 informador cultural; en Folgoso do Courel, 1 técnico/a de proxectos de fundación.
Sarria
A distribución dos 9 novos empregos que o Goberno da Deputación xera en 3 Concellos da Comarca de Sarria son os seguintes:
– Son 7 as empresas que contratarán a 7 desempregados lucenses en xeral, que recibirán polo tanto o 50% da axuda económica da Deputación para os custos laborais dos novos traballadores: en Paradela, 1 oficial de 1ª en cepillado; en Sarria, 1 persoal de atención albergue, 1 dependente, 1 auxiliar de xeriatría, 1 axudante ebanistaría; en Triacastela, 1 persoal de atención albergue e 1 camareiro pisos.
– Son 2 colectivos os que contratarán a 2 desempregados lucenses con capacidades diferentes ou de colectivos máis vulnerables, que recibirán polo tanto o 90% da axuda económica da Deputación para os custos laborais dos novos traballadores: en Sarria, 1 técnico/a superior en administración de sistemas informáticos e 1 oficial de mantemento.
A Ulloa
A distribución dos 3 novos empregos que o Goberno da Deputación xera nos 2 Concellos da Comarca da Ulloa son os seguintes:
– Son 3 as empresas que contratarán a 3 desempregados lucenses en xeral, que recibirán polo tanto o 50% da axuda económica da Deputación para os custos laborais dos novos traballadores: en Monterroso, 1 axudante de perruquería , 1 auxiliar administrativo, e Palas de Rei, 1 técnico/a superior en procesos de calidade na industria alimentaria.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
