Burela 26-5-18. Segue a emoción na zona alta da táboa. O Pescados Rubén Burela FS pecha os desprazamentos ligueiros da tempada con vitoria en Guadalcacín (3-6) e colócase a tan só 1 punto do liderado compartido por Atlético Navalcarnero, que empatou fronte a Móstoles (1-1), Universidad de Alicante, con 3-3 ante Poio Pescamar, e Jimbee Roldán, co triunfo en Majadahonda (2-7). Vista Alegre acollerá a xornada definitiva o vindeiro sábado, 2 de xuño, ás 18.00 (horario unificado), en plenas Festas Patronais, coa visita de AD Alcorcón FSF (5º clasificado, 58 puntos).
Tal e como esperaba, o conxunto de Julio Delgado e Lucas atopou en terras gaditanas un rival moi motivado, con ganas de despedir a liga ao grande ante a súa afección, logo de selar a permanencia en Primeira. A pesar do empeño das locais, as burelistas foron as primeiras en perforar a rede, xa no minuto 4, con Sara Correia, aínda que Trini volveu equilibrar a contenda rapidamente. Julia Forsiuk, no 8, volveu dar a iniciativa no marcador ás mariñás, para chegar con renda de 1-2 ao descanso.
Máis dominio e perigo xeraron as filas laranxas no segundo acto. Aínda que o Guadalcacín recuperou as táboas no 27, de novo con Trini, o Pescados Rubén non estaba disposto a ceder nadiña de nada. No 35, Jenny, por partida dobre, ampliou a fenda con 2-4, en tan só 17 segundos, grazas ao xogo de cinco, recurso do Burela FS en varios momentos da cita. Flavia volveu darlles alas ás andaluzas, ante a súa xente, no 37, pero aínda quedaba moito perigo por parte das galegas. Sara, no 39, anotou o 3-5, e a falta de 30 segundos para a bucina final, e tras a dobre amarela para a local Lorena, Cami selou o definitivo 3-6.
Ficha técnica
Guadalcacín FSF: Caridad, Desi, Trini, Ogalla, Lorena, cinco inicial; tamén xogaron Pepa, Flavia, Luci, Carla, Julia
Pescados Ruben Burela FS: Ana Romero, Cilene, Lara, Bea Mateos, Julia Forsiuk, cinco inicial; tamén xogaron Judith, Cami, Jenny, Sara
Goles: 0-1, minuto 4, Sara Correia; 1-1, minuto 5, Trini; 1-2, minuto 8, Julia Forsiuk; 2-2, minuto 27, Trini; 2-3, minuto 35, Jenny; 2-4, minuto 35, Jenny; 3-4, minuto 37, Flavia; 3-5, minuto 39, Sara Correia; 3-6, minuto 40, Cami
Árbitros: Del Valle Pérez // Quintana Vela. Por Gualdalcacín dobre amarela a Lorena, a falta de minuto e medio para o final. Por Burela amarela para Bea Mateos (minuto 20) e Jenny (minuto 33)
Incidencias: Partido correspondente á xornada 29 de Primeira División disputado no
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
