Ribadeo 20 de maio de 2018. Aínda que estaba previsto que fosen catro as novas incorporacións da Banda de Música Municipal de Ribadeo que debutaran no concerto de onte, sábado, para celebrar o Día das Letras Galegas, finalmente foron tres: Andrea Rodríguez, á trompa; Ángel Muíña, coa trompeta; e Patricia Álvarez, no clarinete. A outra nova incorporación, Uxía Urbieta, non puido tocar nesa actuación pero farao nas próximas. O director, David Ballester Martínez, destacou que estes catro novos músicos levan apenas tres semanas ensaiando coa Banda.
Antes de empezar o concerto, que se celebrou no Cine Teatro ribadense, unha das compoñentes da formación, Carmen Ramos, fixo a presentación, na que falou da escritora á que se lle dedica este ano o Día das Letras Galegas, María Victoria Moreno Márquez, e anunciou os temas que posteriormente tocaron: Balancé, de Reveriano Soutullo; 1888, de Juan Lois Diéguez; Fantasía en Do, de David Fiuza; Cidra, de Reveirano Soutullo; Marcha Nº 1 en Do Maior, de León Durán; Coruña, de Faustino del Río; Cortegada, de Gustavo Freire; e O Bico, de Xoán Montes con arranxos de Indalecio Fernández Groba. Todas estas pezas excepto a terceira foron interpretadas neste concerto por primeira vez pola Banda de Ribadeo, que a continuación agasallou ao numeroso público coa Muiñeira de Chantada e rematou o concerto co Himno Galego.
A banda municipal ribadense vai participar o sábado próximo, día 26 de maio, nun acto con motivo do centenario do nacemento de Carlos Álvarez Fernández-Cid, que foi director da Banda de Ribadeo no ano 1946. Consistirá no descubrimento dunha placa que se vai levar a cabo na rúa San Francisco, xunto á súa casa. Así o anunciou David Ballester durante o concerto de onte.
Tres músicos debutaron coa banda municipal de Ribadeo no concerto das Letras galegas que ofreceu este sábado no cine teatro
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
