Burela 7-6-18. O pavillón Vista Alegre será escenario esta fin de semana a Copa Galega Xuvenil (9-10 de xuño) baixo a organización da Real Federación Galega de Fútbol e o Pescados Rubén Burela FS e coa colaboración do Concello de Burela e Pescados Rubén. O salón de plenos do consistorio burelao acolleu esta mañá a presentación da cita, coa presenza do responsable de Fútbol Sala da RFGF en Lugo, Iván Pico, o vicepresidente laranxa, José Luis Sáez, e o director da Escola, Alfonso Mera, xunto ao alcalde, Alfredo Llano, e o concelleiro de Deportes, Ramiro Fernández.
“É sempre un pracer e unha satisfacción para nós recibir este tipo de eventos deportivos, que é unha garantía de éxito pola incondicional entrega da afección, nun deporte de moita tradición. Esta Copa é unha mostra máis da aposta do Concello polo deporte; queremos que o deporte sexa sempre protagonista en Burela” explicaba Alfredo Llano agardando o mellor para a cita que reúne os catro primeiros clasificados da Liga Autonómica Xuvenil na vila mariñá entre o sábado e o domingo.
Desde a RFGF Iván Pico agradeceu a colaboración do Concello de Burela e do Pescados Rubén Burela FS: “Sempre que lles presentamos a posibilidade de organizar algún evento ambos os dous nos abren as súas portas de par en par, como xa ocorreu noutras ocasións nesta tempada, como el Campionato de España de Seleccións Autonómicas Femininas Sub-17. Burela é un referente no fútbol sala e pola nosa parte seguiremos contando con esta vila para futuros eventos” valoraba o representante da RFGF en Lugo, desexando a Prone Lugo FS, Academia Red Blue 5Coruña FS, Pescados Rubén Burela FS e Concello de Begonte unha boa participación e que gocen de Burela e da bisbarra da Mariña.
José Luis Sáez tamén tivo palabras de gratitude: “Sempre nos sentimos arroupados polo Concello cando decidimos acoller algún evento e tamén pola RFGF, que sempre conta con nós, na organización deste tipo de competicións, do máis alto nivel no fútbol sala galego” desexando sorte a todos os equipos “nunha fin de semana na que teremos o corazón e a vista divididos, entre a Copa de España Feminina en Cádiz e a Copa Xuvenil aquí”.
Horarios
A cita arrincará o sábado ás 16.30 horas co enfrontamento entre o Prone Lugo FS, campión de Liga Autonómica, e o Concello de Begonte FS, cuarto clasificado. Ás 18.30 horas, será a quenda dos anfitrións laranxas, coa terceira praza, e Academia Red Blue 5Coruña FS. A final decidirase o domingo, ás 18.00 horas, entre os gañadores das semifinais.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
