Foz, 2 de xullo de 2018. A Policía Local de Foz fixo durante este pasado fin de semana controis de velocidade de vehículos no núcleo urbano. Impuxéronse máis de 250 sancións polo que o alcalde, Javier Jorge Castiñeira, amósase abraiado negativamente “pola falta de implicación de moitos condutores”. O rexedor avisa que, ante esta situación, terán que seguir con estes controis durante todo o verán para tentar evitar que se produzan accidentes.
Javier Castiñeira explica que “a Policía Local de Foz durante este fin de semana pasado, concretamente o sábado e o domingo, fixo varios controis de velocidade no núcleo urbano. Estamos totalmente abraiados de forma negativa pola falta de implicación de condutores neste senso. Foron máis de 250 sancións as que se tramitaron no fin de semana pasado”.
O rexedor engade que “nalgún sitio como a avenida da Mariña, que é unha rúa na que teñen preferencia os peóns e está suficientemente sinalizada, foron casos bastante graves, o que nos leva a seguir con estas campañas. Imos estar durante todo o verán facendo campañas de control, non só na avenida da Mariña senón en todo o núcleo urbano, porque neste municipio duplícase a poboación, e na vila triplícase, o que incrementa a posibilidade de atropelos nunhas circunstancias deste tipo, e o Concello non pode asumir eses riscos”.
Para o alcalde “a única forma é facer controis e anuncialos publicamente. Esta campaña é planificada por Policía Local para avisar aos condutores de que imos ter durante todo o verán este sistema, para que tomen moitas máis precaucións e, sobre todo, que teñan en conta que están nun núcleo urbano con moitísima xente e que é inasumible poder ter un atropelo”.
Castiñeira subliña que “poderíamos estar a día de hoxe falando de males maiores, poderíamos estar falando de por que non se puido evitar un atropelo neste pasado fin de semana. E desde logo que calquera crítica ou debate que iso poida abrir sobre afán recadatorio non ten ningún senso porque está mirando pola seguridade viaria dos nosos peóns”.
O rexedor adianta que “o mesmo imos facer noutros aspectos como é o aparcamento. Cremos que en Foz hai suficientes aparcamentos para poder respectar as zonas que son prioritarias para os peóns. Seguiremos nesta liña de control rigoroso do comportamento cívico, tanto de condutores como de peóns, porque tamén hai condutas negativas por parte dos peóns. Informamos que durante todo este verán vai haber estas campañas e que vai haber rigorosidade e cero permisividade neste senso”.
A Policía local fará controis de velocidade no núcleo urbano de Foz durante todo o verán. Este pasado fin de semana impuxéronse máis de 250 sancións, o que o Alcalde considera inaceptable
Relacionado
-
O PP de Muras esixe ao alcalde “explicacións” sobre as medidas adoptadas ante os danos na aldea etnográfica de Carelle
-
A Deputación inicia obras na estrada LU-P-5207 que une o núcleo urbano de Ribadeo con Vilela
-
Por Viveiro pide a construción dun parque infantil cuberto e melloras na accesibilidade da beirarrúa na LU-540, en Xunqueira
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
