Burela 26-8-18. O vindeiro domingo, 2 de setembro, terá lugar na Serra do Xistral a I Andaina Solidaria “Cumios do Xistral” organizada polo Toxiza Clube de Montaña a favor da Asociación de Familiares de enfermos de Alzheimer e outras enfermidades Neurodexenerativas de Burela.
Estas dúas asociacións pretenden unir as súas forzas para que natureza, deporte e solidaridade vaian da man. Un dos seus principais obxectivos é o de dar visibilidade, no mes no que se conmemora o Día Mundial do Alzheimer, a unha enfermidade que afecta xa no noso país a máis de un millón de persoas e as súas familias. Así mesmo, dende o Toxiza Clube de Montaña tamén pretenden poñer en valor a Serra do Xistral e as súas fermosas paisaxes naturais posto que seguen a ser as grandes descoñecidas da comarca. Para logralo, tanto a andaina como os demáis eventos programados para ese día discorrerán polos seus montes, espazos protexidos pola Rede Natura 2000, Reserva da Biosfera e Zona de Especial Protección dos Valores Naturais (ZEPVN), chegando a varios dos seus cumios máis importantes.
Os participantes sairán da parroquia de O Cadramón (Concello de O Valadouro) e percorrerán a metade do traxecto circular pola mesma, pasando a continuación polo Concello de Muras ata o cumio que lle da nome á ruta: O Xistral (1032m). En canto ao Trail, será de carácter non competitivo e pasará polos montes de O Valadouro, Abadín e Alfoz.
Todas aquelas persoas que desexen colaborar poderán facelo a través da plataforma online de “Galitiming” (http://andainaxistral.galitiming.com) ata o xoves 30 de Agosto, onde atoparán varias opcións de inscricións:
Andaina circular de 14km: para os acostumados a camiñar por montaña.
Trail de 18km: para os que lles guste correr.
Andaina Cativa: ruta de 3km pensada para os máis pequenos.
Festa Merenda na Capela de Santa Filomena: para todos aqueles que desexen acudir para celebrar a fin do evento.
Dorsal 0: para persoas que non podan asistir e queiran colaborar cunha doazón económica.
AFAN Burela e Toxiza Clube de Montaña queren facer público o seu agradecemento ao Concello de O Valadouro, Concello de Burela, Concello de Muras, ABSA, Tapizval, Ouropuro e Cervexa Augas Santas pola súa colaboración e patrocinio do evento.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
