Burela, 18 de setembro de 2019. A Escola de Música de Burela presentaba, nas últimas horas, o novo curso escolar 2018-2019. Nese acto, que contaba coa presenza do alcalde, Alfredo Llano, e do concelleiro de Educación e Cultura, José Díaz, o director da Escola, Xan Carballal, adiantou que un dos proxectos para este curso é realizar un irmandamento ou convenio con outras escolas de países onde hai unha gran tradición musical. A vindeira semana Carballal viaxará a Alemaña para manter unha primeira toma de contacto coas escolas musicais de Gütersloh. Neste proxecto quere implicar a todas as escolas de música da Mariña.
Xan Carballal manifestou que “como dixo o alcalde, na presentación de onte, a importancia que ten a educación musical formando parte da educación integral que deben ter todos os nosos rapaces”.
O director da Escola de Música de Burela adiantou que “para este curso temos en perspectiva, algo que xa vimos poñendo sobre a mesa desde fai anos, conseguir un irmandamento con outras escolas. Sendo ambiciosos, escolas de países onde a tradición musical faga que estean á vangarda musical e entre estes países destaca Alemaña. Xa está bastante avanzado, e xa dimos pasos durante o verán, para establecer no condado de Gütersloh, ese irmandamento coas escolas de música. Tomamos contactos xa neste verán para facer un convenio e por iso viaxarei a próxima semana a Alemaña para establecer un primeiro contacto con estas escolas”.
Xan Carballal subliñou que “queremos loxicamente que sexa algo de todas as escolas da Mariña. Estamos en principio as Escolas de Mondoñedo, de Burela, de Xove, e proximamente falarei tamén coas de Foz e Ribadeo e co Conservatorio de Viveiro. Xa temos feito en varias ocasións proxectos conxuntos que nos deron moi bo resultado. Eu creo que a forma de abordar estas cousas é mediante a unión dos distintos centros que forman parte da Mariña”.
Sobre o comezo do novo curso, o director da Escola burelesa manifestou que “a maior parte das especialidades están cubertas. A Escola de Burela, como a maioría das escolas, ten un cupo de alumnos que pode coller. Isto é lóxico porque non sería igual a calidade musical no ensino. A día de hoxe todas as especialidades están cubertas, só nos quedan instrumentos como clarinete e saxo, o cal quere dicir que é un éxito. Tanto é así que hai bastante xente en lista de espera para poder ocupar as prazas cando queden vacantes, o cal quere dicir que en canto a afluencia estamos un pouco sobrepasados. Isto dá conta de que a educación musical cada vez ten máis aceptación entre a sociedade e iso nos leva a ser positivos e estar con ánimo para lograr metas que hai uns anos ao mellor nos parecían moi difíciles de acadar”.
Xan Carballal engadiu que “poder agora irmandarnos con outras escolas pode representar como un escaparate ao exterior. Ver a forma que teñen de traballar, os recursos pedagóxicos e as infraestruturas que teñen, e iso creo que é importante que o vexa toda a xente, desde políticos ata usuarios, os mesmos profesores, etc… Este ano ademais, xa o acordamos así no primeiro claustro de profesores que tivemos, imos darlle un impulso tamén ás agrupacións da Escola, entre as que están a Banda, o grupo vogal e a mesma orquestra, de cara a conseguir que sexan os sinais de identidade da nosa Escola”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
