Lourenzá, 26 de setembro de 2018. A cuarta edición da Concentración VespaFaba e Clásicos Lourenzá terá lugar do 5 ao 7 de outubro, coincidindo coa celebración da Festa da Faba. Haberá rutas polo val e polos municipios de Xove, Trabada e Riotorto, ademais de xincana, trofeos, agasallos e os asistentes gozarán da gastronomía local. O evento foi presentado en Lourenzá cun acto no que participou a alcaldesa, Rocío López.
O portavoz da organización da IV Concentración VespaFaba e Clásicos Lourenzá, Fran Rivas, lembrou que “desde o ano 2015 empezamos a reunirnos coas vespas, as motos e os coches clásicos e este ano repetimos. A concentración é o sábado 6 e o domingo 7, pero imos empezar con actividades o venres porque hai xente que xa ven ese día, así que improvisamos unha ruta nocturna en scooters e coches clásicos. Imos ir ao concello de Xove, onde hai unha festa dos callos”.
Fran Rivas tamén explicou que “o sábado é o día dos scooters e das motos clásicas: vespas, lambrettas e motos clásicas en xeral. Reunirémonos na avenida Fernández del Riego e sobre as once sairemos de ruta en dirección Barreiros, onde pararemos en Mesón O Antiguo, e despois iremos en dirección Trabada e Riotorto rodeando o val de Lourenzá. Á volta meterémonos no val polo interior e acabaremos en Lourenzá, na Festa da Faba, e sobre a unha e media comeremos na carpa de Bar Pitero e faremos un sorteo de regalos para os participantes. Pola tarde, sobre as tres e media, imos facer unha xinkana que nos anos sesenta se facían moito e agora estamos intentando recuperalas. Os compañeiros de Vespa Lugo, cos que eu tamén estou, van vir participar”.
Rivas engadiu que “o domingo 7 é o día dos coches e dos vehículos clásicos en xeral. Sobre as nove e media teremos a recepción e a exposición de vehículos na avenida Fernández del Riego. Ás once será a saída á ruta etnográfica que temos este ano, que é moi bonita: iremos ao Mazo de Ferreiravella, en Riotorto, onde teremos unha demostración dos oficios dos ferreiros e disfrutaremos da preciosa contorna. Despois por cortesía do Concello de Riotorto, que colabora con nosoutros, tomaremos uns pinchos e regresaremos á Festa da Faba. En Lourenzá teremos a comida no restaurante La Unión, onde entregaremos os trofeos e teremos un gran sorteo de regalos doados todos polos comerciantes e as empresas que colaboran con nós. Despois da comida haberá unha charla coloquio con Jorge Aguirre, que é o noso socio máis internacional e este ano fixo Xixón-Moscú nun Citroën Dyane 6 e vainos contar as aventuras e desventuras dese periplo”.
Sobre o número de participantes na IV Concentración VespaFaba e Clásicos Lourenzá, Fran Rivas declarou que “o ano pasado tivemos sobre cen inscritos e para esta edición non o temos moi concretado aínda porque agora mesmo hai moitas concentracións por todos os lados. Aquí coincide moi ben porque é na Festa da Faba, pero de momento non podo dicir os que somos porque non o temos concretado. Podo adiantar que teremos xente de Asturias, Pontevedra, Ourense, Coruña, Lugo, e incluso algúns que se desprazan desde Madrid e Salamanca”.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
