Burela, 18 de setembro de 2018. Burela segue a celebrar a Semana Europea da Mobilidade, que se iniciaba o pasado domingo e que se desenvolve ata o 22 de setembro. As actividades están organizadas pola Concellería de Medio Ambiente. Noelia María Ben subliñou que están a resultar un éxito. Onte e hoxe os nenos e nenas van camiñando ao colexio e visitan a exposición Carapuchiña camiña soa. Por diante quedan aínda o obradoiro de conservas, que terá lugar mañá, o concurso de debuxo do venres e as rutas en bicicleta eléctrica do sábado.
A edil de Medio Ambiente lembrou que “o obxectivo principal é, como sempre, promover o uso e a combinación de distintos modos de transporte sostibles. Trátase de que non haxa que utilizar tanto o coche, máis que nada polo tema da contaminación, que é o que máis contamina, senón facer viaxes a pé ou en bicicleta. Entre os nenos e as nenas o que queremos é fomentar ir andando ao colexio, que é o que estábamos facendo hoxe máis no día de onte. Hai que intentar entre todos axudar para que haxa menos contaminación e así mellor viviremos todos, que é do que se trata”.
Noelia María Ben contou que “de momento está descorrendo todo ben, dentro da normalidade, con moita actividade. A xente está disfrutando moitísimo e participando nas actividades. O domingo foi apoteósico, normalmente empezábamos con algo máis suave, pero este ano ao coincidir o día 16 en domingo comezamos a programación co día grande e moi ben. Houbo moita xente pola mañá e pola tarde e estivo un día espléndido”.
A edil burelesa engadiu que “en principio sempre facemos as actividades para os nenos, que directamente son quen máis reciben o tema da mobilidade, e despois algunha para os adultos tamén, como o das bicicletas eléctricas o sábado pola mañá. Intentamos englobar todo para que haxa algo para todos. Así temos tamén o concurso de conservas, que é a segunda parte do que fixéramos e en dous días pechamos a inscrición porque xa se encheron as prazas. Temos ademais, hoxe pola tarde, o circuíto para os nenos na praza do Concello. Quedan aínda o concurso de debuxo e as charlas polas mañás nos institutos. Hoxe temos aos nenos do outro colexio de Burela coas charlas, e máis coñecendo o Concello e as dependencias da Policía Local”.
Noelia Mª Ben engadiu que “imos seguindo o programa que cada ano dá un pouco máis que facer ao ser tantos días. intentamos deixar o que funciona sempre e cada ano meter algo máis novo. Este ano tivemos os paseos a cabalo o domingo pola tarde e ao final decidimos englobalo dentro da Semana, xa que tamén é mobilidade sostible. De momento o que imos facendo vai funcionando”.
A concelleira de Medio Ambiente aproveita para “convidar a todos os veciños e veciñas que queiran participar na programación, e animalos a que cada un participe no que máis lle guste. Isto faise para os veciños do pobo e sen eles non tería éxito. Se non hai xente non hai demanda e sénteste mal, pero de todo o que imos facendo sempre vai habendo moita participación e estamos encantadas”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
