Burela, 4 de setembro de 2018. O alcalde, Alfredo Llano, fixo unha valoración moi positiva da IV Feira do Libro que se celebrou a pasada fin de semana na localidade. E felicitou ao concelleiro de Cultura, José Díaz, polo traballo realizado.
O rexedor dixo que “unha vez rematada esta cuarta edición da Feira do Libro de Burela, teño que amosar a miña satisfacción polo éxito acadado porque vemos que é algo que se está consolidando, é unha iniciativa extraordinaria, moi boa, que non soamente é un referente en Burela, que xa o é, pero tamén é unha referencia clarísima para a comarca”.
Alfredo Llano subliñou que “este ano foi unha edición moi boa. Houbo moi bos escritores aquí que estiveron presentado as súas obras. A esta feira do libro veñen moitos autores a explicar os seus libros, comentar e contestar ás preguntas que lles fai o público.Isto dálle unha importancia extraordinaria a esta feira”.
O alcalde engadiu que “ademais se complementou con actividades tanto de contacontos, como actuacións musicais, sorteos e concursos de literatura. Penso que no seu conxunto houbo unha oferta cultural para animar á xente a vir á praza da Mariña de Burela a mercar libros nos diversos stands que había e que tiveron moito público”.
Alfredo LLano declarou: “queremos que se siga facendo esta feira, que se consolide ben, que sexa un atractivo, que sigan vindo os escritores a presentar as súas obras e que participe a xente. Por exemplo co escritor Manel Loureiro houbo moita xente escoitando. Houbo sempre moito público e moi interesado, e ademais houbo un atractivo extraordinario coa cantidade de libros que se presentaron este ano. Penso que debemos seguir apostando por esta fórmula de motivar á xente a seguir lendo e a mercar libros”.
O rexedor deulle “os parabéns á Concellería de Cultura e á xente de Burela que se achegou alí, participou e activou como cliente a feira”.
Pola súa banda, o edil José Díaz tamén se manifestou nos mesmos termos e indicou: “ojalá en años venideros siga creciendo”.
O Alcalde burelés fixo unha valoración moi positiva da IV Feira do libro celebrada esta pasada fin de semana na localidade
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
