Lugo, 05 de setembro de 2018- A subdelegada do Goberno en Lugo, Isabel Rodríguez, informou hoxe das melloras que levou a cabo o Ministerio de Fomento para acondicionar a estrada N-642, unha vía de comunicación que é fundamental na provincia de Lugo, xa que esta é a estrada que vertebra unha comarca tan poboada e con tanta importancia para a economía provincial como é a da Mariña. A estrada N-642 é usada a diario por moitos mariñáns, aos que se suman durante o verán os numerosos turistas que visitan a zona e este xoves será vía de paso da Volta Ciclista a España.
A subdelegada do Goberno explicou que “o mal estado no que se atopaba o pavimento desta estrada e o perigo que supoñía para os condutores obrigounos a actuar, Fomento tivo que aumentar o orzamento previsto con anterioridade para levar a cabo novas obras de urxencia, foi a segunda ampliación da declaración inicial de emerxencia e con ela duplicamos os cartos investidos antes”.
REMATE DAS OBRAS DE EMERXENCIA
As obras de urxencia que se levan realizado para acondicionar o pavimento supuxeron un investimento total de máis de 1.523.000 euros para arranxar o pavimento en distintos treitos da estrada.
O investimento feito coa declaración inicial de emerxencia foi de 173.915 euros nunhas obras realizadas entre os pk 2+200 e 7+900. Posteriormente, ampliouse a declaración de emerxencia para realizar novas melloras entre os pk 2+200 e 45+300, nas que se investiron outros 620.383 euros.
Pero o grave deterioro do pavimento nesta vía, con fochancas de ata 10 cm de profundidade, aconsellou a realización dunha segunda ampliación da declaración de emerxencia, para poder mellorar o antes posible o estado da estrada sen ter que esperar ao comezo das obras do proxecto de rehabilitación estrutural que Fomento levará a cabo nos vindeiros meses na N-642.
Por este motivo, Fomento aprobou a principios do mes de agosto unha nova actuación de emerxencia, que permitiu adiantar o investimento de 729.567 euros, unha partida que se destinou a mellorar o pavimento entre os pk 26+900 e 54+395. Estas obras leváronse a cabo durante o último mes e xa están rematadas.
REHABILITACIÓN ESTRUTURAL, EN BREVE
A subdelegada do Goberno tamén anunciou que nas próximas semanas, a finais de setembro ou principios de outubro, darán comezo as obras do proxecto de rehabilitación estrutural da N-642. Esta nova actuación executarase entre os puntos kilométricos 26+950 ao 28+800 e 36+500 ao 55+000.O proxecto de rehabilitación estrutural da N-642 foi adxudicado por Fomento cun presuposto de 1.996.484 euros (ive incluído) e cun prazo de execución de doce meses.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
