Burela, 26 de setembro de 2018.- O Grupo Municipal Popular de Burela afirma que “a situación da limpeza viaria no noso concello é manifestamente mellorable, como o vimos denunciando nas últimas semanas co inexistente desbroce en espazos públicos e de usos de peóns, e zonas moi transitadas, ou a deficiente recollida de lixo en barrios do municipio”.
A isto, súmase que a empresa adxudicataria non está cumprindo co estipulado no prego de condicións e no contrato do servizo, xa que en numerosas ocasións non se cubren as baixas nin as vacacións do persoal. De feito, a semana pasada había tres traballores de baixa e outros dous de vacacións e ningún dos cinco postos de traballo estaba cuberto.
Os populares presentarán unha moción para ser debatida no Pleno deste xoves, día 27, na que solicitan de forma explícita que o socialista demande, por escrito, da empresa concesionaria da recollida de lixo e limpeza viaria o cumprimento estricto do prego de condicións e do contrato de adxudicación do servizo, comezando pola cobertura da totalidade e en todo momento dos postos de traballo. No caso de non producirse tal cobertura de postos de traballo, e/ou reiterarse as situacións manifestadas, o alcalde debería denunciar o contrato seguindo o estipulado no prego de condicións e contrato pertinentes.
Para este Grupo Municipal “se non se cubren os postos de traballo é imposible cumprir axeitadamente co servizo. E de aí que a limpeza viaria sexa a día de hoxe moi deficiente: rúas e beirarrúas sen barrer, baldeo das mesmas e contedores de lixo sen facer, desbroces esquecidos, recollida do papel e cartón porta a porta inexistente, etc”.
Para os populares esta situación é “intolerable”, sobre todo, porque o rexedor e o seu tenente de alcalde “fartáronse de dicirnos, cando se fixo o cambio a empresa adxudicataria, que se ía mellorar enormemente, que se ían aumentar os postos de traballo… Pois ben, nada disto temos visto e, por riba en moitas ocasións, non se cubren as baixas, nin as vacacións. A situación actual da limpeza viaria en Burela dista moito de ser a prometida polos dirixentes actuais. É dicir, unha situación impresentable”, insisten.
Un servizo máis caro
Por iso, dende o Grupo Municipal agardan que o alcalde recoñeza a situación, e que actúe, para non prexudicar aos veciños, “pois, ademais estamos pagando máis do que nos custaba a empresa anterior, e a melloría é igual a cero. Coa anterior empresa, o prezo/ano era de 646.167 €, e coa actual é de 719.786 €/ano. Polo tanto, o servizo sae 73.618 €/ano máis caro, que pagamos entre todos os cidadáns”.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
