Santiago de Compostela, 23 de outubro de 2018. A Plataforma pola Seguridade e a Privacidade Dixital (PSPD), integrada pola AI, ADECES e UCGAL ,denunciou a VODAFONE-ONO ante a Axencia de Protección de Datos ( AGPD) por práctica de SPAM a través de SMS; e solicita da AGPD que obrigue á operadora ao cesamento destas comunicacións electrónicas e impóñalle a correspondente sanción por falta grave.
A Plataforma considera que ao pouco tempo de poñerse en marcha o novo Regulamento Europeo de Protección de Datos non deben as autoridades de control flexibilizar as esixencias deste ou outras normas conexas como a Lei 34/2002, do 11 de xullo, de servizos da sociedade da información e de comercio electrónico (LSSI).
Na súa denuncia a PSPD fai fincapé en que o envío masivo e reiterado de comunicacións electrónicas vía SMS por parte de Vodafone-ONO vulnera o artigo 21.1 da LSSI o cal esixe para o envío de “comunicacións promocionais ou publicitarias por correo electrónico ou outro medio de comunicación electrónica equivalente [como un SMS] deben ser solicitadas ou expresamente autorizadas polos destinatarios das mesmas”.
En consecuencia, segundo o apartado 1, nin o silencio nin o rexeitamento das comunicacións a través da ligazón NON+ Publi (ou outros similares) lexitiman o envío destas comunicacións a falta de petición ou autorización expresa. Cousa distinta é que a ausencia dunha ligazón semellante poida supoñer á súa vez unha infracción grave.
Por outra banda, a LSSI exceptúa da prohibición os casos nos que exista unha relación contractual previa, sempre que o prestador obtivese de forma lícita os datos de contacto do destinatario e empregáseos para o envío de comunicacións comerciais referentes a produtos ou servizos da súa propia empresa que sexan similares aos que inicialmente foron obxecto de contratación co cliente”. ( Art.21.2, LSSI).
En definitiva, tampouco se permiten os envíos electrónicos se non existe relación contractual previa e, aínda así, só referidas a produtos similares aos contratados.
A última das comunicacións electrónicas efectuadas por VODAFONE-ONO é de mediados de outubro e veñen realizándose, polo menos, desde mediados de agosto.
Desde a PSPD considérase que estes envíos constitúen unha infracción grave a teor do disposto no artigo 38.3. c) da LSSI que cualifica como tal “O envío masivo de comunicacións comerciais por correo electrónico ou outro medio de comunicación electrónica equivalente, ou o seu envío insistente ou sistemático (reiteración que tamén se produciu) a un mesmo destinatario do servizo cando nos devanditos envíos non se cumpran os requisitos establecidos no artigo 21”.
Finalmente, a PSPD espera que a Axencia non incorra nunha interpretación lasa e pouco esixente en relación coas comunicacións comerciais electrónicas, como no seu día fixo admitindo que algúns operadores esixisen o DNI aos cidadáns que chamaban para unha simple petición de información telefónica, é dicir, antes da fase de contratación e de calquera necesidade de consulta de ficheiros de morosidade.
A PSPD denuncia a Vodafone por spam ante protección de datos solicita o cesamento das comunicacións electrónicas e a imposición de sanción por falta grave
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
