Lugo, 15 de decembro de 2017.- Os orzamentos da Xunta para 2019 contemplan un investimento por lucense case once veces superior ao destinado polo bipartito nas contas autonómicas de 2009. O incremento é moi notable xa que pasa dos 374 euros por lucense de 2009 aos 4.022 euros por lucense previstos para o ano próximo.
Este dato é aínda máis significativo se temos en conta que a Xunta de Galicia en 2009 tiña un orzamento maior que o actual. Fai dez anos a Xunta presupostaba 11.426 millóns de euros no conxunto da Comunidade fronte aos 9.487 millóns de euros contemplados nas contas autonómicas que se acaban de presentar.
“O bipartito con máis recursos, investía menos no conxunto da provincia” Así o resumía José Manuel Balseiro, delegado territorial da Xunta en Lugo, para poñer en valor o compromiso inversor do Goberno nunha provincia que segue a liderar o investimento por habitante en toda Galicia
Rebaixas fiscais pensadas para o rural
Balseiro destacou tamén que, a diferenza do que está a facer o Goberno central aumentando as cargas impositivas a familias e empresas, as contas autonómicas para o ano próximo contempla novas rebaixas fiscais, especialmente centradas no rural e, polo tanto, con especial incidencia na nosa provincia.
Así o delegado citou a baixada de impostos para mercar unha vivenda usada e destinala a residencia habitual. A Xunta baixará do 8% ao 7% o Imposto sobre Transmisións Patrimoniais na adquisición dunha vivenda usada para uso habitual, unha rebaixa que será máis forte (do 4% ao 3%) para tres colectivos específicos: familias numerosas, persoas con discapacidade e persoas menores de 36 anos.
A este apoio hai que engadir a consolidación de medidas xa aprobadas en anos anteriores, como o programa de impostos cero no rural unha iniciativa pioneira en España para reducir a tributación nos concellos con maior presenza de actividades agrarias ou gandeiras e con menos poboación, favorecendo a compra, venda e fusión de explotacións, ou tamén a rebaixa do imposto de sucesións que agora se amplía a todas as herdanzas entre irmáns a que xa opera para pais e fillos. Con esta medida 6 de cada 10 sucesións entre irmáns non pagarán o imposto de sucesións.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
