Viveiro. 22, outubro, 2018. O voceiro do Grupo Municipal do PP de Viveiro, Antonio Bouza Rodil, pon en valor os investimentos previstos para o municipio nos orzamentos da Xunta de Galicia para o 2019. De feito, “Viveiro beneficiarase de partidas destacadas para o porto e a VAP Costa Norte, entre outras”.
O popular destaca que “o compromiso do Executivo galego co municipio, e a comarca da Mariña no seu conxunto, como demostra a achega de 1,5 millóns para continuar co desenvolvemento da Vía de Altas Capacidades”.
O voceiro municipal do PP considera que “o Goberno de Feijóo ten en conta tamén as necesidades de Viveiro en materia hidráulica e nos portos”. De feito, os orzamentos autonómicos contemplan 466.600 euros para o saneamento de Celeiro e a mellora da EDAR de Viveiro; ademais dun millón para a dragaxe do porto de Viveiro e 60.000 euros para a demolición de naves e o acondicionamento da explanada portuaria.
Ademais, dentro das partidas xenéricas, “verase beneficiado o Servizo de Gardacostas con sede en Viveiro que garante a súa operatividade cunha achega que supera os 2,1 millóns de euros dirixidos ao mantemento deste servizo esencial para os profesionais do mar e da base de helicópteros que por un compromiso do Goberno Feijóo está operativa os 365 días do ano as 24 horas”, remarca o voceiro no municipio.
Máis achegas da Xunta
Ademais destes investimentos, os populares de Viveiro recordan que as achegas para actuacións específicas en Viveiro suman, no seu conxunto, preto de 5,2 millóns de euros. E a estas “hai que engadir outras partidas xenéricas que elevarán as achegas do Goberno autonómico para o concello viveirense”, conclúen.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
