Lugo, 22 de novembro de 2018.- A Subdelegación do Goberno súmase aos actos conmemorativos do Día Internacional de Eliminación da Violencia contra a Muller e desde esta mañá está colgado no balcón da fachada principal da súa sede un lazo morado. Ademais, o vindeiro domingo, día 25 a fachada da subdelegación do Goberno iluminarase da cor que simboliza a loita contra a violencia de xénero. Con estas dúas accións trátase de darlle a máxima visibilidade á loita contra a violencia de xénero.
A subdelegada do Goberno, Isabel Rodríguez, lembrou que o Executivo dá unha prioridade máxima á loita contra a violencia de xénero e manifestou que “no Goberno pensamos que ninguén debe permanecer indiferente diante da violencia contra as mulleres, contra todas as mulleres, porque éste é un fenómeno que podemos sofrir calquera, porque o machismo non distingue idades, extracción social nin nivel de formación”. Rodríguez, fixo estas reflexións no acto de entrega de premios do V Concurso de Lemas contra a Violencia de Xénero concedidos pola USC a Antía Vázquez Rodríugez e Tamara González Luaces, que tivo lugar esta mañá na Casa do Saber.
BURELA E PREMIOS MENINAS
A subdelegada do Goberno participará mañá en varios actos contra a violencia machista. Pola mañá acompañará ao alcalde de Burela, Alfredo Llano, nos actos organizados polo Concello con motivo do 25N e pola tarde Isabel Rodríguez tomará parte na entrega dos premios Meninas instituídos pola Delegación do Goberno en Galicia para recoñecer o traballo de entidades e persoas especialmente comprometidas na loita contra a violencia de xénero e na protección das vítimas.
Entre as entidades distinguidas cos premios Meninas figuran dúas de Lugo, a asociación Sí, hai saída, a quen se entregará un dos premios Meninas
e o Equipo de Muller e Menor da Comandancia da Garda Civil de Lugo, que recibirá unha mención honorífica.
“Sí, hai saída” foi galardoada en recoñecemento ao seu traballo na loita, participación e reivindicación social das mulleres promovendo a igualdade real e efectiva. Esta asociación, creada por mulleres vítimas de violencia de xénero, ofrece asesoramento xurídico de balde, acompañamento ás vítimas, ademais de organizar charlas e xornadas.
O Equipo de Muller e Menor da Comandancia da Garda Civil de Lugo foi distinguido en recoñecemento á súa profesionalidade, dedicación ás vítimas e o seu esforzo na aplicación da Lei Orgánica contra a violencia de xénero. O EMUME da Garda Civil de Lugo foi creado en 1995, desenvolve o seu traballo a nivel comarcal e ten na actualidade 207 casos activos de violencia de xénero na provincia.
A Deputada de Economía, Recadación, Facenda e Especial de Contas, Carmela López Moreno, xunto á Alcaldesa, Marta Rouco Seoane, e representantes da empresa organizadora do evento, participou na Casa da Cultura vilalbesa nun acto no que se fixo balance do impacto positivo da cita.
A actividade está organizada polo Centro Deportivo Nova Saúde e conta coa colaboración do Concello de Cariño. O programa desenvolverase en dúas quendas: a sesión de defensa persoal terá lugar de 10:30 a 13:30 horas, mentres que a de jiu-jitsu impartirase pola tarde, de 16:30 a 18:30 horas. Ambas as formacións están dirixidas a público adulto, masculino e feminino, e tamén a menores. As clases estarán a cargo de Bernardo Romay, 8.º Dan e Mestre Adestrador Nacional de judo, jiu-jitsu e defensa persoal. As prazas son limitadas, polo que as persoas interesadas poden inscribirse chamando ao teléfono 981 40 50 64.
Os feitos tiveron lugar nun establecemento comercial situado en Viladaíde. As dilixencias policiais foron remitidas á Autoridade Xudicial.
Será este venres, 2 de maio, ás 23 horas na Disocteca Rosalar coa actuación do grupo Sintético Fantástico.
Na súa terceira edición, esta actividade proponnos o estudo do funcionamento dos grupos e organizacións desde o punto de vista da psicoloxía social, organizacional e mesmo deportiva. Trataranse diversos temas como a obediencia á autoridade, a conformidade social, a xestión de recursos humanos dentro dun grupo/organización, os distintos tipos de liderado, etc. Estará impartido por Denís Fernández Valcárcel, psicólogo especialista en rendemento deportivo. Realizarase online ou presencial, do 5 ao 14 de maio, de 17:00 a 19:00 horas. Máis información e matrícula: 
Os feitos tiveron lugar nun establecemento comercial situado en Vilar (Ribadeo), cando a persoa investigada foi sorprendida ao abandonar o lugar sen abonar varios produtos que levaba ocultos entre as súas pertenzas. As dilixencias policiais foron remitidas á Autoridade Xudicial
O conselleiro do Mar asistiu este sábado á cena-gala da entidade Saúde Mental ‘A Mariña’.
