O pasado xoves día oito a Asociación Española Contra o Cancro desde a súa delegación local de Foz iniciou o ciclo de charlas médicas que organiza, dende fai anos, o Concello de Foz. Por primeira vez a nosa psicóloga Carmen Rubiños López participa nestas xornadas que o noso entender forman parte desa información que todos precisamos para iniciarnos no camiño da prevención, non solo do cancro, se non de moitas enfermidades.
Anticiparse, mediante o consello dos profesionais, as diferentes situacións físicas e psíquicas que nos podemos encontrar diante dun empeoramento da nosa saúde é un avance importantísimo chegado o momento de unha enfermidade e ademais é o mais aconsellable que debemos facer.
Pero no noso caso, a situación de ese primeiro impacto e os seus efectos tanto familiares como sociais, ante o diagnóstico do cancro é extraordinariamente necesario estar ben informado, por elo, quixemos participar nestas xornadas basicamente cheas de información e entendemos que a nosa mellor axuda era que a Asociación Española Contra o Cancro aportase, a esta primeira charla coloquio a psicóloga para A Mariña que desde a sede de Burela atende de maneira gratuíta a os enfermos de cancro e os seus familiares que o solicitan.
Hoxe na delegación local de Foz da AECC estamos satisfeitos de haber colaborado nestas charlas que organiza e patrocina o Concello de Foz e a vez agradecidos de que nos permitiran aportar o noso grao de area para informar e axudar no camiño da prevención os nosos veciños.
E como sempre pedimos a todos que participen nas seguintes charlas, porque merece a pena informarse da mao dos profesionais do Hospital Público de A Mariña xa que por o noso ben debemos entender que previr tamén e avanzar na curación.
José Ramón Couto Dorado
Delegación Local de Foz da AECC
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
