Burela, a 5 de novembro de 2018.- O Grupo Municipal Popular de Burela acusa ao alcalde, Alfredo Llano, e ao concelleiro de Obras e Servizos, Ramiro Fernández, de “non ter nas condicións debidas o cemiterio municipal durante esta festividade de Todos os Santos e Defuntos”.
Os populares aseguran que “non foron nin dous nin tres os veciños que se nos queixaron de que o cemiterio municipal estivo estes días moi desatendido, con moita suciedade, falla de desbroces e retirada de herbas, problemas coa auga… Mesmo os veciños comentaron a enorme diferenza existente entre o cemiterio parroquial, que sempre está moi ben atendido, e o municipal, que precisamente nestas datas presentou un aspecto lamentable”.
Desde o Grupo Municipal Popular consideran que “o alcalde e o concelleiro de Obras están a outras cousas e non lles importa nin o máis mínimo que a xente que vai ao cemiterio municipal visitar aos seus familiares ou amigos falecidos se atope o recinto cun aspecto manifestamente mellorable. Iso débese á falla de previsións do alcalde o do concelleiro de Obras, xa que o mantemento o fai o Concello e, máis aínda por estas datas, debería terse un coidado especial”.
Web municipal
Os edís populares aseguran tamén que “o alcalde non ten nin idea de como están as cousas no Concello dado que hai quince días denunciamos que a web oficial do concello, www.burela.org, estaba sen actualizar no apartado de ‘corporación’ dende hai un ano e, a día de hoxe, aínda non foi modificada. Isto demostra que Llano aínda non se enterou e que está no Concello para cobrar, estar de fotos e de festa e que o demais non lle importa demasiado”.
Para os populares, “o feito de que esa parte da web estea sen actualizar dende hai un ano, logo do triste falecemento dun concelleiro e a súa substitución, amosa moi mal gusto e ausencia de respecto. Se o alcalde non ten o debido respecto cos seus propios compañeiros, non pode ter ningún respecto pola cidadanía”.
Desde o Grupo Municipal Popular afirman que “se esta nefasta conducta de Llano á fronte do Concello se reducise a estas dúas cuestións, daríamonos por satisfeitos; pero, o certo é que se estende a todos os seus ámbitos de actuación. Llano é a vagancia e o desdén personificados”.
Os populares de Burela acusan ao alcalde de “ter o cemiterio municipal nun estado lamentable nestas datas”
Relacionado
-
Máis de 60 ganderías de razas autóctonas en risco de erosión xenética recibirán axudas á recría do programa Morenas da Vicepresidencia da Deputación
-
A Deputación acusa ao PP de crear “confusión interesada” sobre as tarifas das residencias tras a actualización aprobada oito anos despois
-
Ribadeo participa en Zamora no Foro Nacional de Intelixencia Artificial e Accesibilidade Universal
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
