Burela, 5 de novembro de 2018. O concelleiro de Obras, Ramiro Fernández Rey, asegura que o cemiterio municipal de Burela está mellor atendido que nunca e subliña que o Concello realiza o mantemento semanal desas instalacións. Deste xeito responde ás críticas vertidas desde o seo do PP.
Ramiro Fernández dixo: “demóstrase que o Partido Popular de Burela evidentemente atópase totalmente desnortado, cunha falta de liderado importantísima e non saben moi ben a onde dispara. Dicimos isto despois dunha nota de prensa na que critican o estado do cemiterio municipal, que está mellor atendido que nunca. Non é que se faga mantemento só para as xornadas de Defuntos, que era o que se facía cando estaba gobernando o Partido Popular, senón que agora faise un mantemento por parte do Concello todas as semanas e refórzase para o Día de Defuntos, porque mandamos alí tanto á brigada de obras como a de xardinería para ter o cemiterio nas mellores condicións posibles”.
O edil burelés manifestou que “non entendemos esas críticas do PP, porque no Concello ningún veciño veu dar queixas polo estado do cemiterio, co cal se demostra claramente que o Partido Popular o único que fai é criticar por criticar, de forma desapiadada, con tal de intentar desgastar a este equipo de goberno. Pero os feitos son os feitos e estase cumprindo perfectamente con absolutamente todas as obrigas que ten o Concello no cemiterio”.
Fernández Rey engadiu: “recomendámoslle ao Partido Popular que faga unha crítica construtiva, que aporte algo aos veciños de Burela. E que cambien esa liña de crítica destrutiva que non leva a ningún lado nin ao equipo de goberno nin ao PP. Entendemos que os veciños de Burela necesitan unha oposición forte e con criterio, pero está demostrado que o Partido Popular nestes momentos, debido a esa falta de liderado que teñen, non está en situación de facer crítica ao equipo de goberno”.
Ramiro Fernández asegura que o cemiterio municipal de Burela está mellor atendido que nunca e subliña que o Concello realiza o mantemento semanal desas instalacións
Relacionado
-
O ministro de Industria e Turismo visita Vilalba para coñecer os proxectos de modernización e desenvolvemento do municipio
-
Máis de 240 clubs recibirán as axudas para actividade competitiva da Vicepresidencia da Deputación de Lugo
-
O PSdeG denuncia que Abadín volve quedar sen brigada municipal contra incendios
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
