Ribadeo, 14 de decembro de 2018. Acisa Ribadeo pon a disposición dos seus asociados e asociadas 15.000 bolsas gratuítas para este Nadal. Por segunda vez este ano, a asociación de comerciantes presenta un novo modelo de bolsas.
Segundo explica o xerente de Acisa, Jesús Pérez, “trátase de bolsas de cor verde, que foi a cor escollida nesta ocasión, cun deseño sinxelo e elegante. Na parte central sitúase unicamente o logotipo de Acisa, xunto ao da Xunta de Galicia, institución á que agradecemos a súa colaboración para contar con esta nova edición de bolsas. Na parte lateral figura tamén a marca Galicia, considerando que Ribadeo é porta de entrada á nosa comunidade”.
Pérez agarda que “moitas destas bolsas rematen en diferentes lugares do país grazas ao turismo. Son 15.000 unidades repartidas en tres tamaños: grandes, medianas e pequenas, que se puxeron a disposición dos socios de forma gratuíta desde o pasado mércores”.
O xerente da Asociación de Comerciantes, Industriais, Servizos e Autónomos contou que “nesta ocasión, por motivos loxísticos, se solicita aos socios que pasen a recoller as bolsas pola oficinas de Acisa, na rúa El Viejo Pancho, 13-baixo, de luns a venres en horario de 10:00 a 14:00 horas e de 16:00 a 19:00 horas”.
Jesús Pérez considera que “esta iniciativa é un aliciente máis para que as empresas que aínda non son socias pensen en darse de alta. En total ao longo do ano temos repartido case 50.000 bolsas de forma gratuíta entre os comerciantes asociados. Isto supón un aforro importante nos custes dos socios e socias que puideron contar con bolsas de papel para adaptarse á nova normativa reguladora das bolsas de plástico”.
E engadiu que “desde a asociación seguimos na liña de facilitar aos socios material gratuíto que lles sexa de utilidade, como neste caso as bolsas nunha época de compras como o Nadal. Esperamos ver unha marea de bolsas verdes polas rúas de Ribadeo e nas casas. Tanto as administracións como a asociación estamos facendo enormes esforzos para dar máis e mellores servizos aos nosos asociados e para poder seguir medrando como colectivo. Non nos cansaremos de repetir que cantos máis sexamos máis actividades poderemos organizar e máis forza poderemos facer para conseguir cousas beneficiosas para o comercio, para a hostalería, para os servizos e para Ribadeo”.
Pérez subliña que “nos dous primeiros días foron máis de 60 comercios os que xa se interesaron polas bolsas. Desde Acisa agradecemos a implicación de deputado autonómico Daniel Vega as xestións realizadas trasladándolle á Xunta as necesidades e problemáticas que afronta o noso colectivo”.
Esta nova partida de bolsas foi presentada esta tarde polo deputado autonómico Daniel Vega, polo xerente de Acisa, Jesús Pérez, e por Ramón Loredo, membro da directiva da Asociación de Comerciantes.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
