Ribadeo, 17 de decembro de 2018. O pleno do Consello de Turismo de Galicia aprobou hoxe por unanimidade o informe técnico para a declaración da Festa das Cruces de interese turístico. O alcalde, Fernando Suárez, subliñou que hai que seguir traballando “para non desmerécela mellorando o entorno e algunhas infraestruturas”.
O rexedor explicou que “nesta mañá tivo lugar o pleno do Consello de Turismo de Galicia, ao que eu como alcalde e en representación da Fegamp tamén formo parte del, e nesta sesión por unanimidade foi aprobado o informe técnico para declarar a Festa das Cruces de interese turístico”.
Suárez Barcia dixo: “hai que ter en conta que, a pesares de que non é unha celebración masiva en canto a número de afluencia de visitantes, ten que ver cunha realidade de feitos históricos que despois a igrexa continuou durante 209 anos, desde 1.809 ata a actualidade se seguiu mantendo esta romaría e foi merecedora, unanimemente, para todos os representantes do Consello de Turismo de Galicia que poida formar parte deste reducido elenco de festas destacadas con esta denominación”.
O alcalde ribadense declarou que “a partires de agora hai que seguir traballando para non desmerecer esta festa, seguramente mellorando tamén ese entorno tan bonito como é a Ponte de Arante e algunhas infraestruturas que se atopan agora nun estado de conservación que non é axeitado co entorno, teremos que promover entre os seus propietarios que os vaian arranxando para que esta festa de interese turístico ano tras ano teña un lugar axeitado onde celebrarse”.
O Consello de Turismo de Galicia aprobou por unanimidade o informe para a declaración da Festa das Cruces de interese turístico
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
