A Mariña, 7 de xaneiro de 2019. A Mancomunidade de Municipios da Mariña celebrará este martes, 8 de xaneiro, pleno ordinario ás 20:00 horas no Vicedo. Na sesión abordaranse temas como os plans Avanza e Catuxa, os orzamentos para este 2019 e tamén a presenza da Mancomunidade na vindeira edición de Fitur.
O presidente da Mancomunidade de Municipios da Mariña, Alfredo Llano, explicou que “mañá corresponde facer un pleno ordinario da Mancomunidade de Municipios, xa tíñamos que telo feito en decembro, pero dado que eran datas de moita ocupación para moitos alcaldes e persoal dos Concellos foi difícil. Entón terá lugar mañá, día 8, ás oito da tarde, no Vicedo”.
Llano dixo que “neste pleno basicamente o que se vai tratar é de aprobar os orzamentos para 2019 e ver como vai todo o que está en marcha agora mesmo na Mancomunidade, como é o plan integrado de emprego, a recollida selectiva de aceite e roupa, e o plan Catuxa. Todo aquilo no que estamos traballando agora mesmo e que se está levando a cabo desde a Mancomunidade”.
O presidente da Mancomunidade indicou que “tamén imos falar de Fitur. Aproveitaremos para coordinar o que imos facer alí, as datas de presentación, cando temos que ir e o que temos que levar desde os Concellos para que se recolla no noso stand. Ademais imos levar uns dípticos da Feira Expomar para que se coñeza o que é a comarca a través dunha feira exposición dese tipo”.
Alfredo Llano engadiu que “se trata de facer unha reunión para falar de Fitur, dos orzamentos e dos proxectos que se están acometendo agora mesmo na Mancomunidade. Tamén falaremos de todos os plans, tanto turísticos como doutra índole, que corresponde realizar neste ano 2019”.
A Mancomunidade de Municipios da Mariña tratará este martes en pleno a súa presenza en Fitur e os orzamentos para este ano. A sesión terá lugar no Vicedo
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
