Alfoz, 1 de xaneiro de 2019. Veciñas e veciños de Alfoz achegáronse o Castelo do Castrodouro o pasado luns 31 de decembro para despedir o 2018 e brindar por un ano cheo de novos proxectos que sigan afianzando a Alfoz como destino turístico de referencia na Mariña Lucense.
A Área de Cultura e Turismo de Alfoz fai un balance positivo da actividade turística no concello durante o ano 2018, no cal o Castelo do Castro de Ouro rexistrou máis de 9300 visitas, mantendo así unha actividade turística similar a do ano anterior.
Durante as xornadas ordinarias de apertura da oficina de turismo rexistráronse 7014 visitas, ás que se suman as máis de 2300 visitas rexistradas durante a xornada do sábado do XX Mercado Medieval.
Os visitantes que se achegaron a Alfoz durante este ano 2018 proceden principalmente de Galicia, Madrid, Castela e León e Asturias. Cabendo destacar tamén a afluencia de andaluces, cataláns e vascos. En canto aos visitantes internacionais, recibíronse visitas principalmente dende Alemaña, Arxentina, Bélxica, EEUU, Francia, Holanda, Irlanda, Italia, Portugal e Reino Unido
Durante o período de Nadal o Castelo do Castrodouro permanecerá aberto mércores 2, xoves 3 e venres 4 de 11 a 14 horas e o sábado 5 de 11 a 14 e de 16 a 19 horas. Durante o resto do ano, o Castelo do Castro de Ouro poderá visitarse sábados, domingos e festivos de 11 a 14 e de 16 a 19 horas. En Semana Santa e durante os meses de xuño a setembro os días de apertura serán de martes a domingo.
Alfoz despide o 2018 cun balance positivo do sector turístico
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
