Ribadeo, 10 de xaneiro de 2019. Dan comezo estes días as obras de saneamento na parroquia de Piñeira. Suporán un investimento de 102.000 euros e realizaranse con cargo ao Plan Único da Deputación de Lugo e a unha achega do Concello. O prazo de execución destes traballos será de 3 meses.
O alcalde ribadense, Fernando Suárez, declarou que “estamos iniciando o ano e facémolo con obras. Seguimos coas da avenida da Ría de Ribadeo, que estamos ultimando, e coas de San Roque, que tamén se están realizando. E nestes días estamos empezando un novo saneamento na parroquia de Piñeira”.
O rexedor explicou que “aproveitando o Plan Único entre a Deputación e o Concello, curioso que outra vez máis a Deputación sexa este ente alleo ao Concello que nos volve axudar outra vez máis para ir conseguindo avanzar no saneamento nas parroquias, algo que á Xunta de Galicia levamos xa desde hai anos demandándolle, a través de acordos plenarios unánimes, a inversión en Ribadeo en saneamentos. Non sei se agora, porque van chegar as eleccións vai haber anuncios, pero ata o de agora houbo un secaño absoluto”.
Suárez Barcia dixo que “coa Deputación seguimos traballando e neste caso imos facer este saneamento duns 102.000 euros de orzamento para dar servizo a todos os veciños e veciñas destes barrios de Morgullón, Igrexa e Barreiro na parroquia de Piñeira”.
O alcalde sinalou que “a empresa adxudicataria foi Coto Estudios y Construcciones, que despois dun procedemento aberto foi a que mellor oferta fixo. O prazo de execución deste contrato son tres meses. O orzamento entre o Concello e a Deputación ascende a 102.000 euros para facer unha tubaxe de pvc onde se recollan todos os vertidos destes núcleos, vanse levar ata un punto baixo, situado no núcleo de Barreiro, e de aí mediante un sistema de impulsión, vaise bombear para conectarse coa rede xeral, nunha lonxitude aproximadamente duns 800 metros”.
Comezaron as obras do saneamento en Piñeira. O investimento ascende a 102.000 euros
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
