Burela, 2 de xaneiro de 2019.- O Grupo Municipal Popular (GMP) burelés denunciou hoxe, “unha vez máis, as mentiras do alcalde, neste caso referidas á política de persoal que está levando a cabo, vistas as súas declaracións ante as reivindicacións dos empregados municipais”.
Os edís do PP afirman que “de novo temos que dicir que nacerá un corvo branco antes de que Llano diga unha verdade. En primeiro lugar, hai que indicar que este señor asinou o contrato para elaborar a Relación de Postos de Traballo (RPT) en xuño de 2016, hai máis de dous anos e medio, polo que resulta un insulto á intelixencia dicir agora que en febreiro se vai negociar. E aínda que o alcalde dixo no seu momento que nun ano a RPT estaría lista, é evidente que tivo tempo sobrado a facela, xa que na mesa negociadora do 24 de xaneiro de 2018 o propio alcalde indica que ‘se intentará acadar un acordo para rematar a RPT’, o que quere dicir que pouco ou nada se levaba feito e pouco ou nada fixo no último ano”.
Desde o GMP aseguran que “en segundo lugar, na mesa de negociación de 18 de novembro de 2015 o alcalde anuncia a creación de postos de traballo e a aprobación dunha Oferta de Emprego Público (OPE), pero non fai capaz a facer unha sola OPE nestes catro anos. As prazas que se cubriron, agás a de Tesourería, que foi por imperativo legal, foron todas con carácter interino para cubrir xubilacións, e non todas, por certo”.
Para os populares, “só faltaría que o alcalde non estivera disposto a falar cos representantes dos empregados municipais, pero o certo é que en 2017 só convocou unha sesión da mesa de negociación. Falar non é un fin en si mesmo, senón un medio para chegar a acordos, e neste caso a RPT vai para largo, dado que é incapaz de presentar documentos para a discusión e aprobación se procede na mesa de negociación”.
O GMP tamén asegura que “no Plano Normativo Municipal aprobado en xullo de 2017 incluíase a elaboración dun Regulamento Orgánico Municipal do Concello, que a día de hoxe non ten nin unha soa liña redactada”.
“Todo o indicado, sinalan os populares, demostra que o alcalde debería ser máis coidadoso nas súas declaracións, xa que ter a mentira como norma de conducta habitual non é o máis sensato. E se a iso lle sumamos as poucas ou nulas ganas de traballar que ten, quédanos que a RPT que está vixente é a que aprobou un goberno municipal do PP en 2006”.
GMP burelés: “o alcalde dixo que en 2016 tería lista a RPT, e agora resulta que di que en febreiro vai negociar”
Relacionado
-
Os socialistas de Vilalba destacan que “a boa xestión económica do concello” permite “manter o esforzo inversor e o elevado gasto social”
-
A Xunta licita por 540.000 € a subministración de reactivos e material funxible con destino aos laboratorios de anatomía patolóxica da área sanitaria de Lugo, A Mariña e Monforte
-
O programa Nnabata atende 139 persoas migrantes en Burela no marco do proceso de regularización
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
