Burela, a 11 de xaneiro de 2018.- O Grupo Municipal Popular de Burela denunciou hoxe “unha máis das falsidades e enganos de Alfredo Llano, que leva catro anos lanzando titulares de prensa anunciando xestións que logo se quedan en nada. Se no seu día denunciamos as mentiras e incumprimentos do alcalde en relación co cambio de ubicación do mercado, do plan de tráfico, da peatonalización de certas rúas, da ordenanza de terrazas, da RPT, do novo pavillón, etc., hoxe temos que denunciar o engano que fixo reiteradamente aos veciños coa pretendida ordenación do espazo portuario detrás de Capitanía Marítima”.
Desde o Grupo Municipal Popular afirman que “o pasado día 2 presentamos un escrito solicitando acceso a toda a documentación referida á indicada actuación. O propio alcalde respondeunos ao día seguinte, o día 3, e non foi ningunha sorpresa a resposta: envíanos a documentación existente no Concello que consiste nun único escrito dirixido polo alcalde a Portos de Galicia o 17 de novembro de 2015 solicitando unha entrevista do Presidente do ente. E non hai nada máis”.
Os edís do PP definen esta situación como “a demostración da incapacidade deste alcalde de xestionar e da súa extraordinaria vagancia: non foi capaz de elaborar nin tan sequera unha memoria do que segundo el se podería facer nese espazo. Non foi capaz de preparar un pequeno plano de ordenación desa zona; non foi capaz, en definitiva, de trasladar a Portos ningún tipo de documentación para poder traballar sobre a mesma”.
Desde o Grupo Municipal Popular aseguran “non entender facilmente a tendencia á mentira compulsiva do alcalde porque estamos convencidos de que el mesmo se cre as súas ilusións, cando o certo é que a súa xestión é igual a cero e a súa capacidade de traballo é nula. Iso si, a súa capacidade de engano e mentira supera os límites da dignidade humana”.
“Pero que ninguén se engane: Llano dirá que a culpa será de Portos de Galicia por non facer ningunha proposta. Unha vez máis, el non asumirá o fracaso da súa xestión”, conclúen os edís populares.
“O alcalde non elaborou ningunha documentación sobre o espazo portuario da traseira de Capitanía Marítima”, aseguran desde o Grupo Municipal Popular de Burela
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
