Burela, 3 de xaneiro de 2019. Burela acollerá a representación dun novo musical infantil o vindeiro 12 de xaneiro. Trátase de Supercalifragilístico que rende homenaxe á famosa Mary Poppins. As entradas xa están á venda no restaurante Mis en Plas e en www.woutick.es
O concelleiro de Cultura, José Díaz, dixo que “desde o Concello de Burela queremos anunciar a presenza aquí en xaneiro da compañía Moita Merda, que vai traernos un musical infantil, un máis despois do que tivemos en decembro con moito éxito”.
O edil socialista explicou que “será o sábado 12 xaneiro ás seis da tarde. Chámase Supercalifragilístico. É un musical sobre a personaxe de Mary Poppins, de sobra coñecida por todos nós. Foi unha película de Walt Disney que se estreou no ano 1964, tivo moita repercusión, foi candidata a varios óscars e gañou cinco. Era algo inédito nunha película de corte infantil e a protagonista Julie Andrews gañara o óscar á mellor actriz”.
José Díaz contou que “este musical se basea nesa figura orixinal de Mary Poppins, pero enfocada a unha familia de hoxe en día, coa grandísima diferenza que hai respecto ás familias dos anos 70. Os nenos divírtense doutra maneira diferente e a coidadora encóntrase con problemas moi distintos, e xoga coa música e as cancións tan míticas daquela película para entreter aos nenos e apartalos das novas tecnoloxías, que é a fonte principal de diversión dos nenos de agora”.
O concelleiro de Cultura engadiu que “este musical ten ademais moito mensaxe, pareceunos interesante e pensamos que cumpre os criterios de calidade que pretendemos en Burela cando traemos calquera actuación, que teñan un bo nivel e que guste á xente porque hai que pagar entrada. Queremos sempre que todo o mundo saia contento e que esa inversión en cultura se pague disfrutando dos espectáculos que se traen. Ademais agora está nos cines o remake desta película de Mary Poppins, tamén con moita aceptación, hai moitos pais que queren levar aos nenos a mostrarlles a película que a eles os marcou”.
Díaz agarda que “teña boa resposta. As entradas están á venda en internet na páxina www.woutick.es e no facebook da Delegación de Cultura, Educación e Xuventude do Concello de Burela está toda a información, tanto do musical como dos puntos de venda e prezos das entradas. Esperamos como sempre ter un bo número de xente e poder seguir facendo este tipo de espectáculos. Ademais este é xusto despois de Reis e para as familias é un bo xeito de rematar este período navideño”.
Reis Magos
Os Reis Magos de Oriente xa están camiño de Burela a onde chegarán o vindeiro sábado, día 5. A partir das 19:00 horas desfilarán moi ben acompañados dende a Rúa do Ril ata a carpa sita na Praza da Mariña. Alí recibirán @s nen@s acomodados no belén vivinte. Haberá roscón, chocolate, rosconazo de regalos e a realización dun desexo solidario. A Cabalgata de Burela está organiza por Ledicia e conta coa colaboración da Asociación de Comerciantes local e do Concello de Burela.
Día do neno
O concelleiro de Cultura, José Díaz, aproveitou para lembrar que o vindeiro luns, 7 de xaneiro, será o Día do Neno na carpa instalada este Nadal na praza da Mariña. Todas as actividades que se desenvolvan alí durante esa xornada serán gratuítas.
O musical infantil Supercalifragilístico estará en Burela o 12 de xaneiro
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
