Comezaba o programa de goberno do BNG de Ribadeo no 2015 pedindo o apoio aos veciños para un novo proxecto froito da experiencia acumulada e dicindo que era realizable. Trabucábanse, realizable sería pero non o levaron a cabo.
No apartado de economía prometían baixar os impostos e taxas municipais e creo que todos lembramos o susto que levamos cando vimos a factura do IBI. Agora estamos á espera da baixada no recibo do lixo, xa que a Xunta baixou o canon e obriga aos concellos a reflectir esta baixada nos recibos dos veciños.
Falaban tamén dunha Lanzadeira de Emprego: RIBADEO LAB. Quen pode dicirnos en que consiste? Non temos noticias dos resultados deste espazo para apoiar iniciativas con perspectiva de futuro. Ou é que non lles presentaron ningunha que mereza este cualificativo?
Nos terreos municipais do polígono industrial íase poñer en marcha un centro multiusos en colaboración con empresas para dar formación (onde está?) e tamén se ían establecer estratexias conxuntas de comercialización e promoción das empresas do pobo e unir esforzos para compartir provedores e rendibilizar os recursos. Que alianzas se conseguiron para beneficio dos nosos empresarios?
Como vai o Plan para lograr que a praia de as Catedrais sexa declarada Parque Natural? que fixo o concello para preservar esta paraxe?
No seu programa recoñecían que a Praza de Abastos precisaba dunha segunda fase de reforma (a anterior fixéraa o goberno municipal do PP) pero cremos que non chega con lavarlle a cara cunha man de pintura. Precisa reformas e traballo para facela máis rendible favorecendo o comercio de proximidade e implicando ós sectores produtivos.
Anunciaban a creación de postos de traballo no sector agro-gandeiro, pero a cousa pinta cada vez peor e non vimos o apoio do Concello por ningures. Onde está a proposta de posta en valor da Granxa Pedro Murias? Ben se deita que da Xunta xorden propostas porque se esperamos polas súas xa temos pechado a escola.
En canto ás ideas para o turismo, de sete puntos ningún ou case ningún. Menos mal que polo medio da lexislatura apareceu o Ribadeo Indiano e con isto xa estamos salvados! Do Ribadeo eventos, Ribadeo birding, … nada. Só queda o Ribadeo de Tapeo. O deseño de sendas para persoas con diversidade funcional, quixeramos velas. A ampliación das Aceas e o tratamento da zona de Lexoso, tampouco.
E non entendo como pretendían “Mellorar o aproveitamento da Ría para deportes náuticos, ornitoloxía e actividades de lecer”, quere dicir que haberá máis lanchas e máis paxaros? Igual si que os hai.
Para rematar a sección do turismo atopámonos con “Potenciaremos o turismo rural nas parroquias do interior”. Será o dos carteis do Camiño do encanto? Que non hai quen o entenda porque hai carteis que van un para cada lado (por exemplo preto da Ponte, que un indica cara a Arante e outro cara a Cedofeita, para dar opcións). Do Camiño de Santiago xa non falamos, porque os peregrinos son boa xente e poden con todo. As potencialidades turísticas do Camiño están tan explotadas no noso concello que para ver as pinturas da Ponte hai que contar con persoas voluntarias que as expliquen porque non hai visitas organizadas desde a Concellería de Turismo.
Daniel Vega (candidato do Partido Popular á Alcaldía de Ribadeo)
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.