Lugo, 12 de febreiro de 2019.- A secretaria xeral de Igualdade, Susana López Abella, acompañada do delegado territorial da Xunta en Lugo, José Manuel Balseiro, informou hoxe en Lugo da nova convocatoria de axudas para a promoción da igualdade dirixidas a entidades locais, que incrementa o orzamento con respecto ao ano pasado nun 16% ata superar os 5,3 millóns de euros.
Nunha xuntanza na Delegación Territorial á que asistiron representantes políticos e técnicos dos concellos lucenses, a Xunta deu a coñecer os distintos programas de apoio que no pasado ano supuxeron un investimento de preto de 600.000 euros na provincia (en concreto 593.076 euros) e beneficiaron a 46 concellos lucenses, tanto para proxectos individuais como de xestión compartida.
A nova convocatoria, que vén de publicarse no DOG, incorpora como novidade unha liña de axudas para financiar accións de sensibilización, información e difusión sobre igualdade e prevención da violencia contra as mulleres, en desenvolvemento do Pacto de Estado contra a violencia de xénero; está dotada con 800.000 euros.
O importe principal sigue sendo o que se destina ao funcionamento dos Centros de Información ás Mulleres, 3.411.353 euros en total. Ao abeiro deste programa financiarase o persoal que traballa nos centros, concretamente os postos de dirección, asesoramento xurídico, atención psicolóxica, axentes de igualdade ou de fomento do traballo en rede e de dinamización do territorio con enfoque de xénero en relación coa atención a mulleres en situación de vulnerabilidade, no marco das actuacións que se desenvolven nos CIM. No caso de Lugo, os 11 centros que funcionan na provincia recibiron o pasado ano máis de 471.000 euros que contribuíron ao mantemento de 28 postos de traballo.
Outra das liñas con maior aceptación é a de fomento da conciliación da vida persoal, laboral e familiar, que conta cun orzamento de 797.065 euros e está enfocada ás medidas que os concellos adopten coa finalidade de facilitar a conciliación da vida persoal, familiar e laboral das persoas traballadoras, coma por exemplo os bancos de tempo. 17 concellos lucenses beneficiáronse desta medida o pasado ano, por unha contía global de 116.728 euros.
Por último, mantense tamén o programa destinado á promoción da igualdade e prevención e tratamento integral da violencia de xénero, cun orzamento de 352.000 euros. Inclúe accións de intervención de carácter integral coas mulleres que sofren este tipo de violencia, os seus fillos e fillas e coas persoas dependentes das vítimas; ademais de actuacións dirixidas á loita contra a explotación sexual e a prostitución.
Proxectos compartidos
Poden beneficiarse destas achegas todos os concellos, mediante solicitude individual ou mediante solicitude conxunta de agrupacións ou asociacións de concellos, mancomunidades de concellos e consorcios locais, constituídos exclusivamente por concellos. O prazo de presentación de solicitudes rematará o vindeiro 8 de marzo.
Ao igual que en anos anteriores, darase prioridade aos proxectos de xestión compartida, cun incremento de puntuación e, polo tanto, de subvención para os concellos que presenten solicitudes conxuntas para a xestión desta orde de axudas.
Con estas subvencións a Xunta pretende apoiar e consolidar as actuacións que se están levando a cabo desde as administracións locais en materia de prevención e eliminación da violencia de xénero, de conciliación e difusión, así como tamén apoiar á Rede de Centros de Información ás Mulleres existentes en Galicia, para contribuír ao obxectivo común de acadar unha sociedade igualitaria e coas mesmas oportunidades para mulleres e homes.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
