Ribadeo, 26 de marzo de 2019. Empresas de diversos sectores están solicitando continuamente ao CIFP Porta da Auga, de Ribadeo, traballadores de ciclos formativos nos que hai pouco alumnado ou incluso xa non se imparten actualmente no centro por falta de matrículas. Polo tanto non hai estudantes suficientes para cubrir a demanda de emprego en determinadas ensinanzas como Electricidade ou Carrozaría. Esta situación foi dada a coñecer polo director dous profesores do centro: o director, Isidro Berdeal, e o xefe do departamento de Electricidade, Benito Fernández.
Benito Fernández explicou que “a problemática que estamos notando desde hai xa varios anos é que hai un descenso no número de alumnos das familias tradicionais da Formación Profesional, como Mecánica, Electricidade, Carrozaría ou Albanelería, estudos que son os oficios tradicionais, que son as primeiras familias profesionais que se montaron na FP. Mentres que noutras especialidades de nova implantación si hai moita demanda de matrículas, de 30 alumnos e máis, incluso con lista de espera, pero non teñen tanta saída laboral, resulta que as nosas familias profesionais tradicionais non teñen alumnos. Hai unhas boas dotacións, que se conseguiron ao longo de moitos anos que levan funcionando nos centros de FP, e non hai alumnos. E, polo contrario, si hai moita demanda de emprego por parte das empresas. Nosoutros estamos atopándonos con que grandes e medianas empresas de instalacións eléctricas en liña, de montaxe, de mantemento de centros de transformación, de estaleiros, construción de barcos, fábricas que aumentan a súa produción, que nos piden profesionais e non hai a quen mandarlles. Temos algunha empresa que nos chama todas as semanas para que lles mandemos alumnos en prácticas e outros xa para traballar. Temos incluso ciclos de formación profesional ocupacional para xente desempregada, por exemplo o ano pasado demos un curso onde practicamente todo o alumnado acabou encontrando emprego. Igual ocorre cos ciclos formativos, temos pouca demanda de alumnos e moita demanda de postos de traballo. Precisamente agora estamos dando un curso de megafonía e de circuíto cerrado de televisión, que segundo a Consellería de Traballo é un dos que máis saídas ten. Hai unha rama que ten bastantes alumnos como é Electromecánica, pero por exemplo para Carrozaría non hai alumnos pero si ten demanda. Cando as empresas chaman ao centro pedindo alumnos non temos a quen mandarlles porque non hai estudantes suficientes para cubrir a demanda das empresas”.
E Isidro Berdeal engadiu que “na familia de Carrozaría este curso suprimiuse a oferta que tíñamos de ciclo medio por falta de alumnado matriculado, non alcanzamos o mínimo que esixe a Consellería. Sen embargo os talleres seguen chamando, aínda sabendo que non temos ese ciclo este ano, porque necesitan profesionais tanto para a área de Carrozaría como de Pintura, pero non temos eses alumnos formados nin desta promoción, que non se puido impartir, nin tampouco de promocións anteriores porque xa están traballando”.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
