Lugo, 25 de abril de 2019.- A Presidenta do PSOE, Cristina Narbona, advertiu este xoves que “pódese dar a nivel nacional a mesma situación que en Andalucía, que sexa a extrema dereita a que marque as directrices das políticas aínda que non estea no goberno”. Fixo estas afirmacións nun encontro con veciños de Lugo no que participaron o Secretario Xeral do PSOE na provincia de Lugo, Álvaro Santos, a Alcaldesa de Lugo, Lara Méndez, o Presidente da Deputación, Darío Campos, e o Secretario Xeral do PSdeG, Gonzalo Caballero, xunto a candidatos socialistas ao Congreso e o Senado.
Cristina Narbona subliñou que “está a ser unha campaña moi intensa por todo o territorio. Estamos ante unha auténtica encrucillada porque existe a posibilidade de que se repita o contexto de Andalucía, que o bloque das dereitas gobernen as institucións. Eu estiven alí hai pouco e podo dicir que se nota quen está a gobernar de verdade, aínda que non estean no executivo formalmente. Son as directrices dun partido de ultradereita as que empezaron a condicionar a vida dos cidadáns”.
“É unha perspectiva que debemos ter en conta á hora de mobilizar ao máximo á cidadanía, mais alá do voto socialista, eu diría o voto democrático. Hai moitas persoas que naceron en democracia e que quizais non sexan conscientes de que nada é irreversible desde o punto de vista dos dereitos e liberdades, e temos o exemplo noutros países da nosa contorna en Europa onde a ultradereita está a gobernar. Ese é un risco contra o que temos que combater ata o último momento, coa forza que nos dá que houbese durante 10 meses un Goberno socialista en España que demostrou que se poden tomar medidas sociais moi importantes e ao mesmo tempo reducir o déficit público”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
