Burela, a 30 de febreiro de 2019. O Grupo Municipal do PP de Burela asegurou hoxe que “Alfredo Llano, en contra do que se recolleu o pasado venres 26 deste mes, non ten asinado ningún tipo de contrato para a elaboración das bases que rexerán a licitación do proxecto de reforma do pavillón Vista Alegre, e non hai ningún prego de ningún tipo elaborado referido a esta actuación”.
Os edís do PP lembran que o pasado 14 de marzo presentaron un escrito solicitando documentación sobre este asunto, ao que non se lles contestou porque “non había nada de nada”. Reiteraron a petición de documentación o pasado 3 de abril, ao que se replicou o día 11 adxuntando dous correos electrónicos remitidos polo Burela Fútbol Sala ao Concello e cinco planos de planta e alzado.
Á vista das declaracións do alcalde do pasado 25 de abril, nas que fala de que a entidade local enviou documentación á citada entidade deportiva e ademais indica que xa hai un contrato asinado para a elaboración das bases que rexerán a licitación do proxecto de reforma do pavillón Vista Alegre, o día 27, sábado, o PP presentou un novo escrito de solicitude de documentación; escrito que aínda foi contestado onte, día 29.
Os populares indican, a este respecto, que “o escrito, asinado polo propio Alfredo Llano, adxúntanos só dous documentos: unha carta do presidente do Burela Futsal á Liga Nacional do día 22 de abril, e outra da Liga ao presidente do Burela Futsal na que considera válidas as actuacións propostas pero advirte textualmente que ‘Esta reforma, …, debe finalizarse antes del comienzo de la competición de la temporada 2019/2020’; do que deducimos que o Concello non se puxo en contacto coa Liga, en contra do que o propio alcalde indica nas súas declaración”, precisan.
Os edís do PP tamén engaden que “o socialista non nos remite ningún tipo de contrato, nin propostas de convenio con Xunta e/ou Deputación para conseguir financiación, nin expedientes de modificación de créditos para poder facer esta actuación e os contratos que dela se deriven…, é dicir, que non hai nada feito, e que a este paso o Burela Futsal deberá xogar fóra de Burela polo menos os partidos televisados na temporada 2019/2020”. A este respecto, sinalan que “postos a revisar, no portal de transparencia tampouco figura ningún tipo de contrato referido á reforma do Vista Alegre e, nas actas da Xunta de Goberno Local, tampouco se atopa recollido ningún tipo de acordo ao respecto”.
“A enésima mentira”
Dende es Grupo Municipal consideran que “esta é a enésima mentira, o enésimo engano, de Alfredo Llano á cidadanía de Burela. Anunciou o cambio de ubicación do mercado, a regulamentación do mesmo, un plan de tráfico, a regulación das terrazas, actuacións na traseira de Capitanía e no parque empresarial do Perdouro, o novo pavillón, agora a reforma do Vista Alegre, e non fixo nada de nada, nin ten nada iniciado. Isto demostra, apuntan, que a tendencia sistemática á falta de verdade do socialista podería considerarse algo patolóxico e obsesivo que, en todo caso, está repercutindo negativamente na nosa vila, porque nada se fai”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
