O Valadouro, 16 maio, 2019. A construción dun centro de día e un polígono industrial son as principais medidas que o candidato de O Valadouro, José Manuel Lamela, inclúe no seu programa co que agarda devolver esta alcaldía ao Partido Popular. Así o explicou a última hora de onte nun mitin, no que tamén interviron a presidenta provincial, Elena Candia, a conselleira de Política Social, Fabiola García, e o delegado da Xunta, José Manuel Balseiro.
Asemade, os populares rematarán as obras do cemiterio e impulsarán un plan de limpeza que inclúa os colectores do lixo, a rede de sumidoiros, as cuncas fluviais e as beirarrúas. E é que para Lamela é fundamental que os veciños dispoñan de servizos básicos e necesarios como poden ser un área recreativa, unha piscina de chapoteo e vivendas de protección oficial, que estarían situadas nos terreos no que se pretende facer unha cooperativa, ademais da recuperación de parques e xardíns.
O rural, no centro do programa
O rural tamén ocupa un lugar estratéxico no programa. Deste xeito, os populares comprométense a continuar co saneamento e reparación de pistas e cunetas, así como a xestión de residuos. Desenvolverán o Plan Xeral de Ordenación Municipal e impulsarán a organización de eventos gastronómicos feiras e mercados, ademais de sinalizar as rutas de sendeirismo e puntos de interese turístico, recuperando as fervenzas do Escouridal, de Torez e Pazo de Onza.
Dado que este municipio conta tamén cunha alta porcentaxe de poboación avellentada, incrementará os servizos sociais coa posta en marcha dun local social de maiores e a potenciación dunha xuntanza anual da terceira idade, ao tempo que loitarán pola incorporación dun pediatra no centro de saúde.
Incrementarán as axudas a asociacións culturais, deportivas, ANPAs e centros escolares, as actividades extraescolares; fomentarán as escolas deportivas e deporte de base; establecerán bolsas para axudas de libros ou material escolar; recuperarán as actividades na pista de andadura, a radio municipal e os talleres infantís en período vacacional; mellorarán as instalacións deportivas e desenvolverán cursos que favorezan a obtención de créditos universitarios para os mozos.
Tamén habilitarán un plan de formación continuada dos voluntarios de Protección Civil para que o seu labor sexa primordial no pobo en actos as Festas patronais, mercado de primavera, feira gandeira, concentración de motos, etc.
Candidatura completa
O popular rodéase do “equipo ideal” para poder levar a cabo todos estes proxectos. É o seguinte:
1. José Manuel Lamela Piñeiro
2. Ana Isabel Rubal Balseiro
3. Irene Gómez Lombardero
4. Juan José García Pedreira
5. Edgar Cao López
6. Cesáreo Seara Balmayor
7. Rocío Blanco Pliego
8. Senén Castro Lorenzo
9. Ginés Cao Rivera
10. Jaime Fraga Expósito
11. Alfonso Cabanas Fernández
Suplentes
1. Prudencio Cuba Cuba
2. Teresa Galdo García
3. Luis Campo Díaz
4. Rafael Castro Sifontes
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).