Burela, 11 de maio de 2019.- Ana Álvarez, responsable das áreas de Sanidade, Política Social, Muller e Igualdade do Partido Popular de Burela, afirma hoxe que “a partires do 26 de maio, se acadamos a confianza dos veciños, remataremos o que o anterior goberno municipal popular deixou iniciado en 2015, ao que Llano non foi capaz de darlle xa non remate, senón tampouco continuidade: unha vivenda de acollida para vítimas de violencia de xénero ou en risco de exclusión social”.
Ademais, adianta que os populares rematarán o IV Plan de Igualdade entre Mulleres e Homes do Concello de Burela 2015/2017 para aplicalo na súa integridade, xa que non se executou ningunha das medidas nestes catro anos e, polo tanto, ten total validez, agás adaptacións puntuais. Polo tanto, engade, “tentaremos poñer en funcionamento un punto de encontro para normalizar as relacións entre nenos e nenas e os membros da familia cos que non convivan; igualmente, retomaremos a Escola de Pais e Nais que se puñera en marcha co goberno municipal do PP en 2015 e que Llano paralizou”, afirma.
Álvarez indica que os datos facilitados logo da Xunta Local de Seguridade do pasado mércores día 8 en materia de violencia de xénero “poñen en evidencia a Alfredo Llano, xa que durante estes catro anos só foi capaz de facer a campaña ‘Burela en negro’, pero nada fixo sobre a vivenda de violencia de xénero, nada fixo sobre o punto de encontro, nada fixo sobre a Escola Municipal de Pais e Nais, nin nada fixo para adoptar algunha das medidas contempladas no IV Plan de Igualdade entre Mulleres e Homes 2015/2017 (feito polo goberno do PP), do que, aínda non coñecemos a súa memoria avaliativa e por suposto tampouco hai rastro do que sería o V Plan de Igualdade 2018/2020. Só por isto, Llano debería de ter abandonado esa Xunta Local de Seguridade e declararse incapaz de tratar o asunto da violencia de xénero”, defende.
A candidata popular asegura que “as mulleres non queren só campañas en negro: demandan políticas activas da administración municipal, políticas que vaian á raíz do problema e, por suposto, a maioría non se conforman coa política falsamente “buenista” do PSOE. E nisto foi cómplice o BNG, que demostrou que só se lembra das mulleres cando chega o momento de presentar a moción de rigor polo día da Muller, dado que, fóra dese día, non plantexou ningunha iniciativa ao respecto”.
“Un compromiso non electoralista”
Álvarez asegura que “o noso compromiso non é un compromiso electoralista, xa que o noso grupo municipal demandou en varias ocasións actuacións do actual goberno municipal nestes asuntos, e a resposta foi o máis absoluto desprezo e desdén, sen darse conta que a quen estaba desprezando e desdeñando non era ao PP, senón ás mulleres que se senten desprotexidas porque o concello non establece políticas activas se non soamente propagandísticas”, conclúe.
Ana Álvarez adianta que o programa de goberno do PP burelés inclúe a posta en marcha de políticas activas contra a violencia de xénero
Relacionado
-
O PP pedirá no pleno provincial prazos para abrir Augasmestas e actuacións urxentes en vías de Viveiro e Alfoz
-
Carmela López destaca o “motor turístico e económico” da IX Romaxe Viquinga do Vicedo
-
O PSdeG defenderá no Pleno da Deputación un novo modelo contra os incendios forestais e máis recursos para o ensino público
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
