Burela 6-6-19. Sergi Orgillés Saiz, Pope, cumprirá a súa terceira tempada de laranxa en 2019-20. O peche formalizou o acordo co Pescados Rubén Burela FS xunto ao presidente, Manuel Blanco, que destacou o crecemento do 14 mariñán, ademais da súa gran contribución no regreso a Primeira LNFS, e agradeceu “as facilidades amosadas polo Palma Futsal para a contratación do xogador, xa como cento por cento burelista, tras estar cedido estes dous últimos anos”.
“Estou moi contento e orgulloso de que confíen en min outro ano máis. Teño
moitas ganas de empezar; esta é a miña casa. Preséntasenos unha nova etapa
moi bonita por diante, aínda que tamén difícil”, explicaba o catalán de 23 anos, desbordando ilusión pero tamén cautela polo novo reto.
A continuidade de Pope súmase a outras referencias do equipo con contrato en vigor como Matamoros, Iago Míguez, Lucho ou as Xoias Laranxas Renato e
Pitero, ademais das chegadas de Álex Diz, desde Osasuna Magna, ou Everton,
desde Santiago Futsal. O club aposta por uns alicerces sólidos, a base do
equipo que conseguiu o grande obxectivo e na esencia e filosofía que
converteu en realidade o soño da elite: “Ademais da confianza que me ofrecen o club e a directiva, tamén confío e creo moito no xeito que ten Juanma Marrube de ver e entender o fútbol sala. A nosa filosofía poderanos dar un salto de calidade na liga” aseguraba o peche, entusiasmado: “Aínda que xoguei algún partido en Primeira, 2019-20 será a miña estrea de verdade na categoría, con participación e peso. Espero adaptarme ben, sobre todo que as lesións me respecten e ter minutos para seguir medrando” concluía Pope.
Pope cumprirá a súa terceira tempada na Mariña incorporándose á estrutura laranxa
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
