Ribadeo, 5 de xullo de 2019. Hoxe foi presentada a comisión organizadora das festas patronais de Ribadeo que está formada, por terceiro ano, por Juan José Otero, Avelino Martínez e Marta Saiz. Xunto a eles estiveron o alcalde, Fernando Suárez, e a concelleira de Cultura, Pilar Otero, para amosarlles o apoio do Concello. O rexedor destacou o traballo realizado pola devandita comisión que afronta o seu terceiro ano organizando as festas de San Roque e as de Santa María do Campo.
O alcalde, Fernando Suárez, manifestou que “por parte do Concello, tanto desde a Área de Cultura como do Concello en xeral, queremos apoiar publicamente o traballo, moitas veces ingrato, pero absolutamente abnegado e decidido destas persoas que son moi poucas, tanto de Juan como Avelino e Marta, por todo o que fixeron nestes anos e como se planifica tamén estas vindeiras festas da patroa e de San Roque”.
O rexedor engadiu que “para este 2019 desde o Concello teñen todo o apoio noso como sempre tanto desde o punto de vista económico, a través desa subvención nominativa que se lles dá, como desde o loxístico en todo o que está na nosa man. Pero tamén quero recordar á hostalería sobre todo para que, como se di habitualmente, se molle con eles cando lles vaian polos locais a pedir algunha axuda porque todos intentamos que Ribadeo estea cheo de xente nas festas tanto da patroa como de San Roque, e é importante a labor que fan eles durante meses antes, planificando e escollendo as mellores orquestras dentro das posibilidades económicas que hai. Teñen o noso apoio decidido como sempre”.
O presidente da comisión de festas, Juan José Otero, dixo que “a xente que queira colaborar con nós, se é monetariamente recibimos as doazóns no Estanco Luxen, na rúa Deputación, ou quen queira tamén pode darnos os donativos a calquera dos tres membros da comisión, a Marta, a Avelino ou a min. Estamos agradecidos de antemán á xente que nos vai votar unha man nese tema”.
Otero anunciou que “nuns días diremos quen vai ser o pregoeiro, que é unha pequena sorpresa. Empezaremos tamén a preparar o cartel de San Roque, que é o seguinte paso, porque é o máis próximo. Pouco a pouco seguiremos cos pasos que temos que ir dando para a organización dos festexos”.
A festa de San Roque será o 16 de agosto e as de Santa María do Campo, a patroa, serán do 5 ao 8 de setembro. O día 9 as atraccións seguirán en Ribadeo a prezos populares para disfrute dos nenos e nenas.
As festas patronais de Ribadeo celebraranse do 5 ao 8 de setembro. Este venres foi presentada a comisión organizadora
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
