Burela, 5 de xullo de 2019. O vindeiro luns, 8 de xullo, dará comezo unha nova edición das Rutas da Lonxa que se prolongarán ata o 31 de agosto. Trátase do segundo ano no que Absa (Armadores de Burela) e o Concello levan adiante esta iniciativa. As visitas serán os luns, en horario de 18:30 a 19:30; os martes, mércores e xoves ás 19:30 e 20:30 horas; e os venres ás 19:00 e ás 20:00 horas. As inscricións deben facerse na Oficina de Turismo, agás os luns que terán que realizarse con antelación. O concelleiro de Turismo, Ramiro Fernández Rey, subliña que estas visitas son unha maneira de poñer en valor o traballo dos mariñeiros e tamén o valor do peixe.
O edil burelés anunciou que “por segundo ano, o Concello de Burela en colaboración con Absa, imos iniciar as Rutas da Lonxa. O ano pasado era a primeira vez que se facían estas visitas organizadas pola lonxa de Burela. Foron un auténtico éxito e esperemos que este ano tamén sexan un éxito”.
Ramiro Fernández sinalou que “as visitas van empezara partir do luns, 8 de xullo, e acabarán o 31 de agosto. Van estar compostas por grupos de trinta persoas, é a limitación que nos poñemos porque, tendo en conta que estamos nunha zona de traballo, xestionar un grupo máis grande diso sería complicado. As visitas van ser durante a semana en diferentes horarios, e a inscrición vai ter que ser de maneira presencial na Oficina de Turismo (situada no porto), porque a xente vai ter que asinar un papel onde se lles explicarán unhas normas mínimas para poder entrar na lonxa, que é unha zona de traballo. Imos ter unhas pautas de comportamento na visita e ademais os participantes van ter que asinar un papel de responsabilidade de que se están metendo nunha zona de traballo, e iso ten uns altos riscos que hai que intentar controlar”.
O concelleiro de Turismo engade que “a inscrición se vai facer na Oficina de Turismo de maneira presencial, salvo os luns que por motivos de descanso do persoal non vai haber xente alí co cal vai haber que reservar con antelación. O resto dos días poderán facerse as inscricións o mesmo día das visitas”.
Fernández Rey agarda que “estas Rutas da Lonxa sexan un éxito como foron o ano pasado, que estamos seguros de que vai ser así porque á xente gústalle moitísimo ver o que é unha poxa de peixe. Tamén é unha maneira de poñer en valor o traballo dos mariñeiros e o valor do peixe. É unha visita moi atractiva e vaise proxectar ademais un vídeo para explicar todo o proceso. O ano pasado fixeron a visita en torno a 1.200 persoas e esperemos que este ano se cumpran esas expectativas”.
As Rutas da Lonxa foron presentadas este mediodía polo xerente de Absa, Miguel Neiras, e polo concelleiro de Turismo, Ramiro Fernández, no porto de Burela.
Este luns comezan as Rutas da Lonxa organizadas por Absa e o Concello de Burela. Levaranse a cabo ata o 31 de agosto
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
