Valadouro, 27 de setembro de 2019. Este ano celebramos, a XXXII edición da Feira do Mel do Valadouro que alá polo ano 1986 empezaran un grupo de apicultores naturais do concello. Desde fai uns anos, o concello encárgase de organizar este evento de gran relevancia a nivel provincial e incluso inter-autonómico. Con esta feira dase a coñecer un produto de gran calidade e que recolleu numerosos premios nas catas de Mel de Galicia como é ouro líquido: mel.
Nesta edición, a base do cartel principal da Feira estará deseñado polos alumnos do Centro de Educación Infantil e Primaria Santa María do Valadouro. Tamén para estas idades, a Indicación Xeográfica Protexida Mel de Galicia ofertará unha conferencia denominada “o doce mundo do mel” para nenos e nenas de Primaria.
A data escollida, nesta ocasión e como acontece nos últimos anos, é o segundo sábado de outubro: Festividade e Día do Pilar. E vaise celebrar pola rúa Andrés López Palmeiro con numerosos postos de artesanía e mel (principalmente de Valadouro, anque en esta edición cóntase con varios postos de fora do concello). De todos modos, se alguén desexa participar cun posto de produtos de tempada (mel, castañas, cogomelos, hortalizas, froitas, …) ou artesanía poden poñerse en contacto co concello do Valadouro en horario de 10:00h. a 14:00h e de 16:00h. a 20:00h. de luns a venres ata o 4 de outubro.
A actividade comezará coa apertura da feira ás 10:00h. pola rúa e, un poquiño máis tarde, ás 11:00h. comezará unha serie de showcookings (demostracións de receitas de cociña) ata as 13:00h.
Desde as 11:00h. contaremos cunha locomotora asadora de castañas e que as vai a repartir, entre todos os asistentes de maneira e como de costume, gratuitamente.
Ás 12:00h. fará un pasacalle polo mercado a asociación cultural Amado Lar para dar paso a apertura da ruta de tapeo polos locais hostaleiros do Valadouro. Nesta ocasión, os locales ofertarán durante todo o día dúas tapas gratuítas de tempada nas que nos podemos atopar como base o mel, a mazá, a castaña, a nos, os cogumelos, …etc.
Ó remate da xornada da mañá, realizaremos un sorteo entre todos os asistentes cun lote de produtos donado polos postos da feira.
Xa de tarde, e a partir das 15:30h, contaremos cun obradoiro de pintacaras, globoflexia e inchables para todos os nenos que se queiran achegar ata o recinto feiral.
A partir das 19:00h. teremos a típica e tradicional degustación de freixoós con mel e para rematar o segundo sorteo de lote produtos doado polo postos da feira.
Desta maneira, queda clausurada a XXXII Feira do Mel- Mercado de Outono para darlle paso á segunda parte da ruta de tapeo polos locais hostaleiros. Unha ruta que nesta ocasión vai estar animada polo grupo Festicultores Troupe.
XXXII Feira do Mel do Valadouro
Relacionado
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
