Palas de Rei, 19 de novembro de 2019. A conselleira de Medio Ambiente, Territorio e Vivenda, Ángeles Vázquez, salientou esta mañá que as case 200 axudas que a Xunta de Galicia prevé conceder para a adquisición de vivenda en concellos de menos de 5.000 habitantes por parte de persoas menores de 35 anos son un incentivo para que outras persoas en circunstancias similares se animen a apostar polo rural para levar adiante o seu proxecto de vida.
A conselleira de Medio Ambiente, Territorio e Vivenda visitou esta mañá a unha parella de Palas de Rei que foi beneficiara desta liña de incentivos, e que se vén de ampliar cun orzamento de 600.000 euros -tal e como vén de publicar o Diario Oficial de Galicia-, polo que o número de beneficiarios poderá acadar os 200 expedientes, grazas a un investimento total de 1,4 millóns de euros.
A conselleira recordou que o Plan de Vivenda 2018-2021 establece unha liña de incentivos para a adquisición de vivenda en concellos de menos de 5.000 habitantes e para menores de 35 anos, á que se destinaron 800.000 euros na convocatoria de 2019 e que agora se incrementa con 600.000 euros máis para atender ás solicitudes xa presentadas e que se descartaron en primeira instancia por esgotamento de crédito.
A razón deste incremento no orzamento débese a que a liña de axudas para a adquisición de vivendas nos cascos históricos rexistrou unha baixa demanda, algo que vén sucedendo con cada nova convocatoria que se lanza, que non sempre son as máis solicitadas pero serven para poñer sobre a mesa posibilidades para os cidadáns. A modo de exemplo, recordou que esta mesma situación deuse coa convocatoria de axudas para a rehabilitación de vivendas de mestres, que na primeira convocatoria non se superaron as 10; mentres que en 2019 (a terceira convocatoria) concedéronse axudas para actuar en 46 vivendas.
En todo caso, Vázquez Mejuto aclarou que grazas ás axudas a menores de 35 anos en concellos de menos de 5.000 habitantes, as persoas solicitantes poden acceder a un 20% do prezo da vivenda cun máximo de ata 10.800 euros, que son un apoio para quen toma a decisión de vivir nun concello do rural e engadiu que non se trata do único incentivo ao que pode acceder, pois esta subvención é compatible coas axudas á rehabilitación, así como coa rebaixa fiscal ‘dedución verde’ no IRPF que a Xunta vén de aprobar e que permitirá bonificar ata un 15% das actuacións en vivendas para mellora da eficiencia enerxética como cambios de fiestras ou melloras de tellados e fachadas.
Aclarou que, no caso de que dita vivenda se sitúe nun centro histórico, o solicitante poderá beneficiarse tamén dunha dedución autonómica na Declaración da Renda, dun 15% a aplicar sobre as cantidades investidas nas obras de rehabilitación executadas, podendo chegar a ser de ata 9.000 euros; mentres que si se sitúa no rural, poderá beneficiarse da rebaixa do imposto pola compra dunha vivenda nunha parroquia galega considerada rural e que supoñen o 94% do territorio galego, como é o caso de Palas de Rei.
Ángeles Vázquez explicou que o departamento que dirixe, a través do IGVS, convocará novamente este tipo de axudas en 2020, así como os incentivos para achegar aos máis novos aos conxuntos históricos e recordou que, seguindo a liña de 2019, se mobilizarán 39 millóns de euros para fomentar a rehabilitación de vivenda en Galicia.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
