Burela, 18 de Novembro de 2019. O Vencello vén de realizar unha Viaxe á Ribeira Sacra, o pasado 9 de Novembro de 2019 que incluía: saída da estación de autobuses de Burela ás 08:00 horas en autobús de 1ª categoría, visitas guiadas en miradoiros e á adega Regina Viarum, comida típica nun restaurante cercano á adega e paseo en catamarán dende o embarcadoiro de Doade (sobre as 16:00 horas), e seguro de viaxe. Esta viaxe foi un éxito a pesar das inclemencias meteorolóxicas. As 23 persoas que participaron puideron desfrutar dunhas fermosas paisaxes acompañadas por unhas brétemas sobre o río Sil que fixeron do entorno unha paisaxe moi mística. A directiva da asociación quere agradecer a participación nesta viaxe ademais de ter sido un grupo fantástico, moi animado e cheo de risas así como implicado na experiencia e hábido por saber e informarse de todo o que a viaxe contemplaba, dende o entorno e o río, os viñedos, o funcionamento da adega e todo o desenvolvemento da zona. Agradecer tamén a viaxes eroski, na persoa de Pedro, o seu xerente en Burela, e o noso guía Boris, por facilitarnos tanto as cousas así como darnos un trato exquisito.
O vindeiro venres, 22 de novembro de 2019 ás 20:30 horas no Salón de Actos da Antiga Biblioteca de Burela realizarase unha Asemblea Extraordinaria de Socios para presentar candidaturas para configurar a nova Xunta Directiva da Asociación que cumpre catro anos de mandato e tal e como reflicten os estatutos debe ter eleccións transcorrido dito período. Nesa Asemblea presentaranse as candidaturas e decidirase nese mesmo acto a data da votación final, que non será nunca máis tarde do 15 de decembro de 2019. Invitamos a tódolos socios a participar nesta asemblea e poder opinar e interactuar todo o que desexen en referencia á asociación.
Éxito da Viaxe á Ribeira Sacra, e Asemblea xeral extraordinaria da Asoc. de Veciños “O Vencello” de Burela
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
