Burela, a 14 de novembro de 2019.- O PP de Burela denuncia que Alfredo Llano puido ter beneficiado a un determinado establecemento hostaleiro situado no centro urbano á hora de resolver unha petición de licenza de instalación de terraza e de ocupación de dominio público, xa que tardou ano e medio en resolvela, cando ao mes de formularse a petición de licencia xa había informes negativos.
Desde o PP indican que, “a xeito comparativo”, o expediente 276/2018 para instalación de terraza e ocupación de dominio público na zona de Vista Alegre iniciouse o 02/febreiro/2018 e resolveuse na Xunta de Goberno Local o 06/xuño/2018, é dicir, nun prazo de catro meses.
Os populares aseguran así que, á vista da acta da Xunta de Goberno Local de 28 deste pasado agosto, a petición foi formulada polo interesado o 5/marzo/2018, o día 9 daquel mes o interesado foi requirido por escrito para complementar documentación, o que fixo o 4/abril/2018. Paralelamente, o 27 de marzo e 1 de abril de 2018 a Policía Local emitiu diversos informes desfavorables á ocupación solicitada e á instalación da terraza nos termos marcados polo interesado. De xeito “totalmente anómalo”, o 12/abril/2018 foille formulado ao interesado un segundo requirimento de documentación, que é presentada no Concello o 18 daquel mes. “E máis anómalo aínda”, a entidade local require por terceira vez documentación, o 26/xuño/2018, sendo entregada polo interesado nas dependencias municipais seis meses despois, o 28 de decembro. Isto evidencia, apuntan, a que o propietario “puido traballar ao seu antollo, chegando a cambiarse de localización o mobiliario urbano para favorecer o funcionamento da terraza”.
Informes técnicos desfavorables
Posteriormente, tanto en abril como en xullo do ano 2019, constan diversos informes da arquitecta técnica interina municipal desfavorables á petición de licenza e autorización de ocupación solicitada, ao non cumprir co previsto na Orde VIV/561/2010, do 1 de febreiro, relativa ás condicións básicas de accesibilidade e non discriminación para o acceso e utilización dos espazos públicos urbanizados.
Do mesmo xeito, en xuño deste ano a secretaría do Concello emite informe negativo á autorización de licenza baseándose na mesma Orde, así como, na Ordenanza Municipal de Accesibilidade.
Os edís populares indican que, tendo en conta que é o alcalde o que elabora as ordes do día, tanto das xuntas de goberno como das sesións plenarias, “entendemos que o expediente queda pechado co informe de secretaría de 12 de xuño do presente ano, podendo resolverse o mesmo na xunta de goberno do 19 de xuño, pero esta non foi incluída na orde do día favorecendo durante todo este tempo ao propietario deste local de hostalaría”.
Por todo elo, os edís populares aprecian “un posible trato de favor por parte do alcalde socialista en funcións nesta cuestión que discrimina ao resto de hostaleiros da vila”.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
