O PP pide ao PSOE que non rompa a unanimidade entorno á necesidade dun segundo acceso a Ribadeo desde a A8

“César Mogo limítase a aplaudir que Sánchez deixe a mariñáns e lucenses abandonados”

A Mariña, 14 de agosto de 2025. Os senadores do Partido Popular de Lugo -Jose Manuel Barreiro, José Manuel Balseiro e Juan Serrano- piden ao PSOE que non rompa a unanimidade entorno a necesidade dun segundo acceso a Ribadeo desde a A-8 en dirección a Asturias. Lembran que esta foi unha reivindicación non partidista ata o punto de que o propio PSOE tamén votou a favor desta demanda cando se formulou este debate no Pleno municipal. As críticas do senador socialista César Mogo á moción popular que recolle esta reivindicación fan temer a falta de vontade do Executivo estatal por afrontar este proxecto.

Para o PP, ou César Mago “vai por libre, deslexitimando esta iniciativa” ou directamente “non fala cos seus compañeiros socialistas en Ribadeo” que xunto ao resto dos grupos políticos e o propio alcalde, veñen reclamando este segundo enlace.

Desde o PP tamén recordan que o tramo de autovía entre Ribadeo y Reinante, o primeiro treito galego, inaugurouse o 15 de maio de 2007, cando era presidente Jose Luis Rodríguez Zapatero, e que daquela non se proxectou este segundo enlace que agora se demanda. “Tiveron tempo máis que suficiente para facelo, incluso modificando o proxecto inicial da obra, se entendían que debera ser mellorado, pero de aquela non había vontade” Con todo, si o Ministerio de Transportes quere agora acometer esta obra “pode facelo perfectamente, sen ningún impedimento técnico ou orzamentario. O que se require é vontade”.

O populares non comprende por que o senador socialista está tan molesto co traballo do Partido Popular no Senado e din que só se xustifica no feito de que el non fai nada por reivindicar melloras para a provincia. “César Mogo limítase a aplaudir que Sánchez deixe a mariñáns e lucenses abandonados”, conclúen.