Comezaron as obras nas estradas da Deputación de Lugo ubicadas no municipio de Xove, concretamente na que conduce de Xove “capital” ao Portiño de Morás. No pleno que acaba de celebrarse nesa entidade provincial, o grupo do PP presentou unha moción para que se acometa o arranxo das outras estradas do noso concello pertencentes á Deputación, todo isto en base a un suposto acordo xa existente entre o executivo municipal e o goberno provincial da anterior lexislatura. Nese acordo estásenos intentando colar algo que dende o BNG de Xove consideramos inadmisible: que unha vez arranxadas as estradas, o seu mantemento íntegro corra a cargo do Concello de Xove, pois as vías pasarían a ser de titularidade municipal.
As estradas da provincia deberían continuar sendo provinciais. Parécenos ben que exista un convenio puntual para o arranxo destas vías no que se participe ao 50% entre as administracións provincial e local. Xa era hora que o PP de Xove se dispuxera a facelo tras a multitude de veces que o grupo nacionalista llo pediu e tendo en conta que o noso Concello posúe un orzamento anual de case 10 millóns de euros e un remanente doutros 14 millóns nos bancos. Pero que se transfira a titularidade das estradas provinciais ao noso municipio, con todo o investimento de futuro que iso supón, é pan para hoxe e fame para mañá. Despois laiarémonos de que ao resto de localidades limítrofes lles veñan amañar as estradas a custo cero. E mentres, a veciñanza de Xove terá que pagar unha factura allea debido a ese pésimo acordo curtopracista que negociou o Partido Popular xovense.
Hai que deixar claro que, se a moción do PP tivera éxito, este penoso acordo converteríase nunha hipoteca vitalicia que teriamos que pagar para sempre, e non queremos pensar o que pasaría se finalmente se cumpren os peores augurios do propio PP (tal e como están a manifestar ultimamente de forma reiterada na prensa) e Alcoa acaba tendo dificultades para subsistir.
Non vos deixedes convencer polos cantos de serea dos populares. Levamos demasiados anos padecendo a súa pésima xestión e agora pretenden facer o peor negocio posible para reformar a vías de comunicación provinciais ubicadas en Xove. Que quede ben claro: acordo para o arranxo das estradas, SI; transferencia da titularidade, NON!
Carlos Fernández Louzao. BNG Xove
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
