Lugo, 21 de maio de 2020. O delegado territorial da Xunta en Lugo, José Manuel Balseiro, mantivo hoxe un encontro con representantes do sector forestal de Lugo para explicarlles os cambios normativos que entrarán en vigor en 20 días con respecto á tramitación dos aproveitamentos forestais madeireiros e leñosos, de cortiza, de pastos, micolóxicos e de resinas en montes de xestión privada de Galicia.
O novo decreto da Consellería do Medio Rural terá un especial impacto na provincia de Lugo, onde esta actividade económica xoga un relevante papel. Na xuntanza por videoconferencia, o delegado explicou que a declaración responsable consolídase como a vía principal para poder traballar no monte, logo de ter demostrado a súa eficacia. O pasado ano, detallou, presentáronse na provincia 26.137 solicitudes de aproveitamento forestal, e pouco máis da terceira parte requiriron autorización previa (o 35,5%). En canto ao volume de madeira resultante deses aproveitamentos, ascendeu a 3,6 millóns de metros cúbicos, o 57% tramitado mediante a declaración responsable.
Este mecanismo habilita para realizar o aproveitamento dende o mesmo momento da súa presentación, de maneira inmediata. Pero incluso no caso de requirir autorización previa, a nova norma acurtará o prazo de tramitación a un máximo de dous meses.
Na mesma liña, Balseiro sinalou que Lugo ensaia unha “xanela única” grazas a un convenio subscrito coa Confederación Hidrográfica Miño-Sil, que permite ao administrado realizar unicamente o trámite coa Xunta de Galicia e obter autorización deste organismo estatal. Vaise traballar na sinatura de novos convenios con outros organismos para estender a medida a todo o territorio.
Medidas polo Covid-19
Na xuntanza tamén se valorou a situación xerada pola crise do Covid-19 e as medidas adoptadas en relación co sector. Balseiro lembrou que “a seguridade é primordial nestes momentos” e para elo a Xunta elaborou –a través do Instituto de Seguridade e Saúde Laboral de Galicia- unha guía con recomendacións preventivas específicas para desenvolver a actividade forestal, de fácil consulta na súa páxina web.
Igualmente, a Axencia Galega de Industrias Forestais foi un dos organismos da Xunta que colaborou co reparto de mascarillas ás empresas galegas, e o que impulsou a flexibilización das restricións para a apertura ao público de establecementos e locais comerciais minoristas con superficie útil de exposición superior a 400m2, acotando o espazoreaberto ao público a esta superficie. Isto permite a apertura de establecementos de grandes cadeas de bricolaxe e almacéns de madeira de venta ao detalle reactivando a demanda de productos dentro da cadea.
Por último, convocáronse distintas axudas para o sector, tanto para formación -dotada con 500.000 euros- como para equipamentos -cun orzamento de 10,4 millóns de euros-, e proximamente publicarase outro programa de apoios para a valorización e a segunda transformación das pequenas e medianas empresas da segunda transformación cun orzamento de 2 millóns de euros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
