Mondoñedo-Ferrol, 26 de xuño de 2020. O pasado 13 de xuño, tiña lugar na igrexa de San Francisco de Santiago de Compostela un funeral polo eterno descanso das vítimas do Covid-19 en Galicia. A cerimonia estivo presidida polo arcebispo compostelán e concelebrada por todos os bispos das dioceses galegas. Asistiron, ademais, diferentes autoridades civís, militares e académicas de Galicia.
Unha vez celebrado este funeral oficial, a diocese de Mondoñedo-Ferrol considerou oportuno realizar dous funerais (un, en Mondoñedo; outro, en Ferrol) polas vítimas do Covid-19 no noso territorio diocesano. Serán dúas cerimonias aplicadas polos defuntos e, como manifesta Mons. Das Heras, “tamén como expresión de condolencia cos familiares, procura de consolo e esperanza para eles e para todos nestas circunstancias de incerteza e temor”.
É prioritario, por tanto, que tratemos de convidar a estas cerimonias aos familiares e persoas achegadas das vítimas da pandemia. Desde o Servizo Diocesano de Comunicación, utilizaranse todas as canles para facerlles chegar esta invitación. Así mesmo, rogamos especialmente aos párrocos e capeláns (quen pode coñecer un maior número de casos) que transmitan esta invitación a familiares e amigos afectados pola perda de seres queridos.
A primeira celebración será na Catedral de Mondoñedo o sábado 27 de xuño ás doce do mediodía, dirixida ao ámbito dos catro arciprestados que a nosa diocese ten na provincia de Lugo. A segunda cerimonia terá lugar na Concatedral de San Julián de Ferrol o martes 30 de xuño ás sete e media da tarde, para a área dos tres arciprestados da provincia da Coruña. Ambas as celebracións estarán presididas polo bispo de Mondoñedo-Ferrol, ao que acompañarán arciprestes, cóengos e párrocos dos defuntos.
Naturalmente, serán observadas todas as medidas sanitarias de protección establecidas polas autoridades para este período de saída do estado de alarma en Galicia. Rogamos, pois, a colaboración e comprensión de todos os fieis que desexen acudir, dada a vixencia da limitación de aforo nos templos.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
