Burela, 26 de xuño de 2020. O Concello de Burela presentou a Ocioteca Verán 2020, que se desenvolverá durante os meses de xullo e agosto. Está dirixida ao alumnado que estea matriculado no curso escolar 2019-2020 en segundo ciclo de Educación Infantil con idades entre os 3 e os 6 anos e toda Primaria ou que teñan 3 anos cumpridos no momento da inscrición. Será ademais requisito obrigatorio estar empadroado en Burela. No acto desta mañá estiveron o alcalde, Alfredo Llano, a concelleira de Medio Ambiente, Toñi Eijo, e as monitoras de Gaia.
A inscrición na Ocioteca de Verán estará aberta do 29 de xuño ao 1 de xullo na oficina de Gaia, situada na Praza de Abastos, antiga Capitanía Marítima. Unha vez rematado este prazo deberase chamar aos teléfonos 982 580 867 ou 647 136 673, mirar na páxina web municipal ou no taboleiro de anuncios do Concello para consultar as listaxes provisionais de admitidos. Estarán listas a partir do 6 de xullo. De non estar de acordo coa puntuación obtida poderán presentarse alegacións durante dous días hábiles e o 9 de xullo publicaranse as listas definitivas. Nesta edición haberá unha baremación especial na que se terán en conta a situación socio-laboral, socio-económica e socio-familiar dos solicitantes.
As actividades darán comezo o 13 de xullo e prolongaranse ata o 21 de agosto, de luns a venres, agás os festivos, de 9:00 a 13:30 horas. Levaranse a cabo nas instalacións do CEIP Virxe do Carme de Burela.
Ofertaranse un total de 60 prazas: 45 para o grupo de alumn@s de Infantil, 1º e 2º de Primaria e nen@s de 3 anos; e 15 para o grupo de alumn@s de 3º, 4º, 5º e 6º de Primaria. Os grupos terán 15 participantes como máximo (pendentes das instrucións que a Xunta de Galicia dite ao respecto).
Toñi Eijo contou que “a Ocioteca promoverá actividades que favorezan a diversión creando un ambiente lúdico e actividades que favorezan o traballo en equipo e a creatividade; potenciará actitudes de valoración e respecto cara o entorno físico e natural; e dará a coñecer o entorno que nos rodea”.
O Concello convoca unha reunión informativa para o 10 de xullo ás 20:00 horas no salón de conferencias do Concello, para explicar as medidas excepcionais de prevención fronte ao Covid-19, que se tomarán e que serán de obrigado cumprimento. Terán que asistir o pai, nai ou titor de cada nen@ que acuda ás actividades, xa que deberán asinalas.
A concelleira de Medio Ambiente subliñou que “o obxectivo é facilitar a conciliación da vida familiar e laboral, ofrecendo aos nenos e nenas unha alternativa de lecer e tempo libre, desenvolvendo valores de cooperación, respecto e tolerancia. Este ano especialmente, e con máis razón que calquera outro ata o de agora, debemos intentar dar unha solución aos pais e nais que teñen que saír das súas casas a traballar e que teñen un período menor de vacacións por estas circunstancias excepcionais que estamos vivindo”.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
