Muras, 27 de xuño de 2020. A cabeza de lista do BNG ao Parlamento galego, Olalla Rodil, visitou este sábado Muras, un “concello marca BNG” que puxo como exemplo da “xestión enerxética que aplicaremos a partir do 12 de xullo para construír unha nova Galiza”.
Coa chegada ao goberno local do nacionalista Manuel Requeijo en 2015, o concello do Xistral converteuse no primeiro de Galiza en asumir parte do pago do recibo da luz da veciñanza cos impostos procedentes dos parques eólicos, un modelo que o BNG extendeu este mes de maio ao Valadouro ao impulsar unha liña de axudas co mesmo obxectivo.
“Cando o BNG goberna poñemos os recursos enerxéticos e a capacidade produtiva do país ao servizo da veciñanza. A mesma vontade que tivo o equipo do BNG de Muras e o grupo municipal do BNG no Valadouro será a que teña Ana Pontón a partir do 12 de xullo”, argumentou Olalla Rodil, acompañada por todos os candidatos da Mariña ao Parlamento galego e alcaldes e edís da formación na comarca.
Olalla Rodil afirmou que “o goberno da Xunta de Galiza con Ana Pontón á cabeza traballará tamén para conseguir unha tarifa eléctrica galega, que permita reducir o prezo da enerxía e compensar o impacto ecolóxico e medioambiental que ten a produción de enerxía neste país, non só nos eólicos se non tamén na auga ancorada”, engadiu Rodil.
“Unha tarifa eléctrica galega axudaría a desenvolver economicamente o país, favorecendo prezos da enerxía máis reducidos para actividades como a produción de aluminio, agora ameazada por Alcoa, pero tamén para as familias”, expuxo a candidata nacionalista no praza do Viveiró.
Unha tarifa eléctrica galega, que reduza as peaxes do transporte de enerxía para compensar o forte impacto ambiental e social derivado da súa produción, é un dos eixos centrais do programa do BNG en materia de enerxía e desenvolvemento dos sectores produtivos. Neste ámbito a formación nacionalista aposta na promoción das enerxías renovables. En particular, en relación á enerxía eólica propón desenvolver e aproban un novo Plan Sectorial Eólico e vincular a estratexia eólica ao desenvolvemento económico impulsando a participación pública da Xunta e dos concellos galegos nos beneficios do sector.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
