Ribadeo, 26 de xuño de 2020. Deron comezo as obras para mellorar a presión da auga na zona da Devesa. O alcalde, Fernando Suárez, subliñou que son uns traballos moi necesarios . O investimento ascende a uns 100.000 euros.
O rexedor explicou que “se trata de dar conta que nestes días se están executando unhas obras, moi necesarias, en canto a subministro de auga na zona da Devesa, nun entorno onde na época estival nestes últimos anos producíronse cortes repentinos de auga tamén por falta de presión”.
Suárez Barcia dixo que “agora, para resolver esta situación definitivamente, dentro das medidas de colaboración recollidas no contrato de concesión coa empresa Viaqua, vendo evidentemente estas deficiencias que temos nesta zona, acordamos ampliar cunha nova tubaxe de auga e imos poñer en funcionamento un depósito sen uso na propia parroquia da Devesa. Para iso imos facer unha nova canalización, imos levar auga desde o lugar da Madanela ata este depósito da Devesa, que está na subida cara a Noceda, a través dunha tubaxe cunha lonxitude de aproximadamente 3.000 metros”.
O alcalde sinalou que “neste caso a obra é beneficiosa para ambas partes, pola redución nas intervencións que se estaban levando a cabo pola falta de auga e ao mesmo tempo a concesionaria cifra nun custo de máis de 100.000 euros e conta rematala a final deste mes”.
Fernando Suárez manifestou que “durante este tempo seguramente haxa molestias. Pode haber algún corte de auga e pode haber algún corte da vía pública por mor das obras que se están facendo. Por iso queremos pedir desculpas aos veciños, polas molestias, pero sabendo que isto vai redundar nun mellor servizo e espero que se vexa xa neste verán”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
