Viveiro, 7 de abril de 2020. O secretario xeral do PSdeG, Gonzalo Caballero, acudiu hoxe á manifestación en defensa do emprego en Alcoa San Cibrao e comprometeuse a que un goberno progresista na Xunta buscará “unha solución definitiva” para esta factoría da Mariña lucense.
Gonzalo Caballero acudiu á mobilización xunto con alcaldes socialistas da Mariña –como os de Viveiro e Foz, María Loureiro e Francisco Cajoto–; o presidente da Deputación, José Tomé; a alcaldesa de Lugo, Lara Méndez; a secretaria provincial do PSOE lucense, Patricia Otero; e o vicevoceiro parlamentario, Luis Álvarez, entre outros cargos do PSdeG.
Dende alí, o líder dos socialistas galegos sinalou que Feijóo ten que “traballar para resolver o problema” despois de que o goberno de España entregara a Alcoa San Cibrao axudas por valor de 38 millóns de euros só nos dous últimos anos. “Cómpre que a empresa teña presión social e política para que rectifique unha decisión improcedente”, incidiu.
“Alcoa ten que ter un mínimo de responsabilidade. Logo de recibir tantas axudas, é hora de que cumpra”, remarcou Gonzalo Caballero, ao tempo que subliñou que “todas as administración teñen que traballar na busca de solucións” para evitar os despidos e o freo da actividade industrial na Mariña lucense.
O PSdeG, A PROL DO EMPREGO
Neste escenario, o máximo dirixente do PSdeG deixou claro que “a vontade do PSdeG é traballar polo mantemento do emprego” e “poñer os intereses dos veciños da Mariña por diante”.
Por iso, chamou a Feijóo a que deixe de ser “un mero espectador” dos problemas e a que se converta “en parte da solución”. De feito, Gonzalo Caballero recordou que a Xunta “ten competencias” en materia de industria.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
