Lugo, 11 de Xuño 2020. A portavoz nacional, Ana Pontón, advirte ao presidente da Xunta que Galiza non está para improvisacións tras tres meses de confinamento pola crise da COVID19, e que a desescalada non é unha “carreira” para ver quen se apunta o tanto de chegar antes anunciando o fin do estado de alarma senón unha cuestión “moi seria” que require decisións desde o rigor.
“Unha pandemia que tivo e sigue a ter un custe enorme en termos sanitarios, económicos e sociais require respostas co máximo de rigor e responsabilidade por parte do Goberno da Xunta, non é unha carreira para chegar máis rápido para quedar o primeiro da clase, senón que se trata de chegar nas mellores condicións para o conxunto da poboación”, explicou a candidata á Presidencia, quen considera “incomprensible a total improvisación de Feixóo que anuncia o fin do estado de alarma sen ter os deberes feitos, sen ter un protocolo de actuación claro para que a cidadanía saiba como actuar, que facer a partir de agora”.
“Que sentido ten anunciar o fin do estado de alarma sen que iso se acompañe dun protocolo, de normas claras? Esta caendo na mesma improvisación que reprochou ao Goberno do Estado estes tres meses: que vai pasar coas escolas infantís, que vai pasar cos aforos en locais públicos e privados, que vai pasar coa xestión dos centros de día, coas actividades lúdicas e de ocio propias do tempo estival que moven a miles de persoas.”, interpelou desde Lugo durante a presentación da candidatura por esta provincia que encabeza Olalla Rodil.
“Son cuestións que o candidato do PP tiña que ter aclarado antes de poñerse a facer anuncios de autobombo para quedar como o listo da clase, cando realmente se está comportando como o irresponsable da clase, e non está Galiza nin os galegos e as galegas para irresponsabilidades nin para improvisacións nunha cuestión tan seria como a desescalada”, recalcou.
Pontón fixo un chamamento a todas as persoas que queren un cambio real para que o fagan posible mediante unha gran mobilización nas urnas o 12X arredor do BNG: “é urxente conseguir un cambio galego que permita facer avanzar e darlle un futuro á maioría social que quere vivir e traballar na súa terra, e se todas as persoas fartas de ver como co PP Galiza vai a menos nos mobilizamos, o cambio galego será imparable”.
A candidata á Presidencia cualificou de “excepcional” a próxima cita coas urnas e reiterou o chamamento á mobilización: “imos amargarlle a noite electoral a Feixóo e abrir un tempo novo en Galiza, fagámolo posible”.
Na presentación da lista por Lugo, Pontón salientou o “compromiso” das persoas que a integran na defensa de Galiza e de Lugo: “aquí e agora esa defensa ten un nome propio: ALCOA-San Cibrao”, reiterando o seu compromiso de que un Goberno liderado polo BNG “non vai deixar caer ALCOA”. “Se PP e PSOE non teñen alternativa nin vontade política para salvar a factoría, o BNG si, e esa alternativa pasa pola nacionalización e por unha tarifa eléctrica galega”, recalcou.
Nacionalización a través dunha intervención pública, “legal, posible e imprescindible”, como se está a facer por parte de Alemaña e reiterou o seu convencemento de que se a factoría en vez de estar na Mariña de Lugo estiveran en Madrid “a solución xa estaría sobre a mesa”. “Non podemos permitir un novo agravio, só fai falta vontade política e amor por este país para salvar ALCOA e o BNG ten as dúas”, subliñou.
Ao lado da nacionalización, un prezo xusto da enerxía cunha tarifa eléctrica galega que acabe co espolio enerxético, para que a electricidade deixe de ser “un festín para que uns poucos se fagan de ouro” e pase a servir para darlle futuro a Galiza e manter miles de empregos. “Ás portas dunha crise sen precedentes, con miles de traballadores e traballadoras en ERTE ou na cola do paro, permitir que se perdan empregos polos custes enerxéticos cando somos ricos en electricidade é, simplemente, inmoral”, denunciou.
Pontón destacou o papel de Olalla Rodil, “a voz de Lugo no Parlamento ao longo destes catro anos, unha voz reivindicativa que fixo que todas as cuestións que preocupan a esta cidade e a esta provincia se escoitasen ben alto e ben claro”, a que se van sumar tras o 12X as de outros integrantes da lista como Daniel Castro, Carme Aira, Mario Outeiro nunha candidatura que combina renovación e experiencia, na que as mulleres teñen un papel protagonista e tamén a xente moza.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
